سؤال لغير البايركس والعذابة

[ابوالشوش]

احبتي المحنكيين :
المرأة كائن حي رقيق وشفاف وحساااااااااااااااااااااااس جدا وتوجد مرحلة هامة جدا في حياة حواء وهي مرحلة الانتقال من بيت أسرتها الذي تعيش فيه مدلله كأميرة إلى بين زوجها الذي قد تعيش فيه ك خادمة ( اقصد تخدم رجل آخر هو زوجها وأصدقاءه وضيوفه وأحيانا أهله و الخ ) .
وتبدأ مرحلة أخرى الحمل و الولادة والرضاعة وتربية ورعاية الأبناء ومتطلباتهم ( رعاية وخدمة الزوج موجودة من أول ولم تتأثر )
المجتمع السوداني مجتمع ذكوري بصورة عامة ويساوي بين البنت والولد في حالات استثنائية عند الطبقة المثقفة والراقية وبعض المتدينين ويعلو فيه صوت الرجل غالبا , وترضى فيه حواء بقسمتها كونها أنثى .
وددت أن أسأل ؟؟؟؟؟؟؟؟؟؟
الزوجة قد تكون امرأة عاملة
وقد تكون مشغولة بالأعباء المذكورة أعلاه
وقد تكون مريضة لا سمح الله
قد تكون عندها ظروف ما خاصة لا نعلمها زهج , ملل , تمرد وقتي , أي شي
السؤال يا آدم أو ( يا سي السيد )
هل تساعد زوجتك في أعمال البيت ؟
هل تأنف من ذلك ؟
هل تساعد زوجتك خفية دون أن يعلم أحد ؟
السؤال لأخواتنا
هل تتمنين مساعدة زوجك لك ؟ وهل تقبلينها ؟
هل يسعدك ذلك ؟
أتمنى المشاركة من الجميع ويا عزابة يمكنكم ( التنظير ) باعتبار ما سيكون في المستقبل القريب
الشمار حارقني وراجي الرد :yir: :94:
ابوالشوش

[الحلوة]

موضوعك جميل
الحياة يا ابوالشوش عبارة عن مشاركة يعني لوزوجي ما شاركني في مشاغل البيت مين اللي حيساعدني اقع اموت يعني لازم يساعدني اناكمان في المستقبل القريب عندي ليه يومين في الاسبوع زي زيويعمل اي شي بعملودا اذا كان شخص متعاون اما اذا كان غير متعاون ياويله معاي بطلع عينوويتعاقب بحرمانو من وجبة كاملة مدي الحياة
شباب هذا مزح ليس اكثر
بصراحةاذا كان شخص محترمني وبقدرني اشيلو جوه نني عينياالحياة زي ماقلت مشاركة واذا الزوج من نفسو ماساعدني وماحسيت الشي دا من البداية معناها مابخاف علي اويمكن بعتبرها نقص من رجولتو مابقدرارتبط بيه فالمساعدة اذا ما حس بيها من جواه ما منها فايدة اتمني ربنا يعطيني كل شخص علي قدر نواياه

[القيصـــر]

والله ننظر يا ابو الشوش واشوف انا كان اقدر اعمل الكلام دا بعدين
اتفق تماما مع اختنا الحلوة الحياة بين اتنين مشاركة وتكميل يعنى فيها مشاركة فعليه لكل شئ فى عمل فى هم فى راحه فى كل شئ وبعدين الحاجات دى بتزيد الاهتمام والاحترام وبتقرب الناس اكتر وعلى حسب راى الشخصي (تنظير طبعا) انو لو عملت مع زوجتك حاجه صغيرة وساعدتها فيها اكيد هى حا تنتشي وتعتبر انك اخدت من وقتك عشان تعمل حاجه مخصوص ليها هى ولو دخلت معاها المطبخ اكيد حا تقول والله بيحب يساعدنى ويحب انى ارتاح وكدا ووووو
مابعرف يا ابو الشوش لكن القسمه على اتنين احلى شئ فى الدنيا
يديك العافيه والصحة

[ابوالشوش]

موضوعك جميل
الحياة يا ابوالشوش عبارة عن مشاركة يعني لوزوجي ما شاركني في مشاغل البيت مين اللي حيساعدني اقع اموت يعني لازم يساعدني اناكمان في المستقبل القريب عندي ليه يومين في الاسبوع زي زيويعمل اي شي بعملودا اذا كان شخص متعاون اما اذا كان غير متعاون ياويله معاي بطلع عينوويتعاقب بحرمانو من وجبة كاملة مدي الحياة
شباب هذا مزح ليس اكثر
بصراحةاذا كان شخص محترمني وبقدرني اشيلو جوه نني عينياالحياة زي ماقلت مشاركة واذا الزوج من نفسو ماساعدني وماحسيت الشي دا من البداية معناها مابخاف علي اويمكن بعتبرها نقص من رجولتو مابقدرارتبط بيه فالمساعدة اذا ما حس بيها من جواه ما منها فايدة اتمني ربنا يعطيني كل شخص علي قدر نواياه
المشكلة انو الناس ما بتريح اذا شافوك بتساعد فيها طوالي يقولو انو الحكومة شديدة او راجل خيخة
وانا بعتبر ده تخلف لانو المشاركة هي التي تعطي طعم للحياة الزوجية
مشكورة عزيزتي على المرور

[ابوالشوش]

والله ننظر يا ابو الشوش واشوف انا كان اقدر اعمل الكلام دا بعدين
اتفق تماما مع اختنا الحلوة الحياة بين اتنين مشاركة وتكميل يعنى فيها مشاركة فعليه لكل شئ فى عمل فى هم فى راحه فى كل شئ وبعدين الحاجات دى بتزيد الاهتمام والاحترام وبتقرب الناس اكتر وعلى حسب راى الشخصي (تنظير طبعا) انو لو عملت مع زوجتك حاجه صغيرة وساعدتها فيها اكيد هى حا تنتشي وتعتبر انك اخدت من وقتك عشان تعمل حاجه مخصوص ليها هى ولو دخلت معاها المطبخ اكيد حا تقول والله بيحب يساعدنى ويحب انى ارتاح وكدا ووووو
مابعرف يا ابو الشوش لكن القسمه على اتنين احلى شئ فى الدنيا
يديك العافيه والصحة

ههههههههههههه
وبعدين الناس يقولو ضبحت ليك الكديسة وشيلتك القفه وغيرة ...

بالجد ده كلام صحيح 100% وكل ما انت ساعدتها بتكبر في نظرة باعتبار انك جيت منهك وتعبان وبرضو شاركتها فى واجبه
مشكور على المرور
ابوالشوش

[حافية القدمين]

والله اتفق مع الحلوه ومحسكو ان الحياة مشاركة
وبالنسبة لضبح القطة ده لازم
كل وحده لديها طريقتها لضبح القطة وصدقني احيانا الرجل الصعب الثائر وال بيقولو عليه هارش المره ده بيكون ضبح قطة منها باسلوب تاني
يعني كون الوحده تخضع للرجل كام لالخضوع ده كمان نوع من الذكاء الانثوي الخارق
ما نطلع من الموضوع
اتمنى مشاركة شريك الحياة بعدين
مع تحياتي

[ابوالشوش]

والله انا خايف يا حافية القدميين تقعي فى واحد موش يضبح ليك الكديس بس كمان يسلخ ليك الجدل عديييييل .

مشكورة على المرور . اسعدني رايك