سؤال لنا ...

[shamasey]

يستوقفني هذا السؤال كلما نظرت الى شاب او شابه لذا ابحث عن إجابات ...

ما هو رأيك في شباب اليوم؟؟؟؟؟
وهل ترى فرق بين اليوم والامس ؟؟؟

[simsima]

انا حارد على السؤال التاني اول
اكيد في فرق بس الفرق ما انه شباب الجيل الفات كويس واحنا غلط ونحنا الجيل الفاسد المنحرف زي ما بشوف البعض اي زمن فيه الكويس والكعب.الفرق في اختلاف الزمن واختلاف طريقة الحياة جيل ابائنا برضو كانوا بختلفو عن الجيل القبلهم والقبلهم عن القبلهم البخلينا نحس بافرق هو انتقدهم لينا وعدم رضاهم عن نمط الحياء حقتنا وانهم عايزننا نكون نسخ منهم بس هم ما غلطانين واحنا برضو ما غلطانين


ام شاباب اليومين ديل فيهم الصالح وفيهم الطالح
في راى انه الطالح اكتر شوية


لك تحياتي:58:

[القيصـــر]

[QUOTE=shamasey]يستوقفني هذا السؤال كلما نظرت الى شاب او شابه لذا ابحث عن إجابات ...

ما هو رأيك في شباب اليوم؟؟؟؟؟
وهل ترى فرق بين اليوم والامس ؟؟؟

سلام يا شماسى
والله يا شماسى شباب اليوم او شباب الجيل اللى قبلو الاختلاف مااعتقد وعلى حسب راى المتواضع انو كبير بس الناس دخلت على حياتهم اشياء جديده وهى غيرت فى تفكير الواحد وفى تاثير من مختلف الجهات يعنى انا اضرب ليك مثل بشباب الستينات والسبعينات عندنا فى السودان لما ظهر الفنان ابراهيم عوض بقصة شعره الناس استغربت من الموضوع وكان جديد عليها وبعد شوية بقت موضه والشباب قلد يعنى حصلت حاجه غيرت فى معتقدات الناس يعنى انا بقول انو الناس لما تدخل على حياتها حاجات جديده بتخليها تختلف عن اللى سبقوهم واللى حا يجو بعدهم يعنى الفرق بين الامس واليوم فى لكن بوجود مؤثرات خارجيه .
سؤالك الاول يا شماسي فى كل جيل وفى كل عصر وفى كل وقت الناس فيها الصالح والطالح وحتى فى زمن الرسول صلى الله عليه وسلم حدثت اشياء لم يكن الناس يحسبو لها حساب والى يومنا هذا قد تجد تصرف احدا من الناس قد لايروق لك ولكنه يعجب صاحبه ويرى انه سليم .
موضوعك مهم شديد والنقاش فيه بموضوعيه حا نستفيد منو ونعكس به راى الشباب بصفه عامه انا اتمنى انو الناس تشارك فى الموضوع دا وتدينا رايها ونشوف اختلاف وجهات النظر .
لك خالص ودى يا شماسي

[shamasey]

اول حاجه الشكر الجزيل اخوي محسكو وسمسمه العسل على الردود دي وفعلا يا محسكو الموضوع ده جدلي شديد ويمكن يدينا فرصه من خلال الردود نعرف نحن كشباب عايزين شنو ونحن منو وبتفق معاك انو الطالح والصالح موجود من زمان لكن اكيد ما من زمن الرسول لانو القوت داك اتم الاسلام نعمتو وبقه دين الجميع يعني اكيد ما كان في طالح:angel: وتعال نتناقش في الية التفكير بعيدا عن الموضوه او الظواهر البتجي وتختفي وجد ردك رايع كروعتك واتمنى المزيد من النقاش .
سمسمة العزيزة والله كلامك منطقي انتي ومحسكو لكن ما شايفين انو الاجيال القبلينا يمكن تكون اكتر انحلالاً من اجيالنا يعني مثلا زمان لو شفتو صور ابهاتنا وامهاتنا زمان كان عاجي اللبس فوق الركبة والبارات موجوده وحتى بيوت الرايات الحمر والبيتشات مفتوحه وناس بتعوم بي مايوهات وكلان كتيير كده نحن هسه ما عندنا ..يعني ممكن نقول انو نحن متحفظين اكتر منهم ...صح؟
وكمان الاجيال القبليهم لانها كانت في فترة الاستعمار اكيد انحلال انجليزي يعني برضو اكتر ...ولكن...
برغم الانحلال ده كان في حاجات تانية في نظام وفي احترام يعني جرليم الاغتصاب وكمان حاجه جديده ظاهرة الايام دي صور البنات وافلام اللابتوب البقت طالعه الايام دي لشباب سودانيين بنات او اولاد .. ده زمان كان مافي يعني زمان حتى لو كان في انحلال لكن بنظام واحترام لكن نحن هسه الانحلال همجي والشباب عايزة تعمل اي حاجه والكلمه المشهورة البلد بلدنا والرئيس ولدنا ومافي زول هامي لا كبير ولا صغير ...

وده بسقونا يمكن لي سؤال تاني وتالت ولننسى كل مهاترات الاجيال ونتحدث بس عن جيلنا
نحن عايزين شنو ؟؟؟
وهل صحيح انو نحن صح؟

[الحلوة]

لك التحية
هنالك اختلاف كبيروذلك لان كل جيل يمر بتطور معين ومنافي للجيل اللي قبلو الشباب اليوم في راي يمتاز بالطيش الكتير وهم كثرولكل قاعدة شواذاكل جيل فيه اشياء يستنكرها الجيل اللي قبلو يعني نحنا مثلا لما نكبر ويجي الجيل اللي بعدنا اكيد حنستنكراشياء الشباب هم اللي بكونوالسبب في طيش نفسهم اي تطور يطرا علينا لابد ان ناخد منه الشي الذي يليق بعادتنا وتقاليدناالشباب اليوم بيعشواتحت ثقافة غربيةوبيعتبروها مثل لهم
ومن ناحية تانية اري ان هنالك شباب ناجح يريد فرصة ليثبت للاجيال السابقة اننا الافضل
في النهاية اذا كل شاب او شابة اثبت نفسه في مجال ماستتغير نظرة المجتمع ابتداءمن والديه

موضوع رائع اهنيك عليه