اغاني الحقيبة وجمالها [الأرشيف]

بقعة ضوء

15-04-2007, 08:50 PM

اقدمها دعوة للجمال
ياريت كل واحد يشارك بأي اغنية يحفظها
من اغاني التراث القديمة
واغاني واهزوجات الحقيبة الثرة
وكبداية

قائد الاسطول...
سيد عبد العزيز

يا قائد الاسطول تخضــع لك الفرسـان

ياذا الفخار والطول ارحم بنى الانسان

*******
مين لى سماك يطول ما بطولك اللمسان

معناك شرحه يطول على كل جيل فى لسان

اصدق كفانا مطول يا ذو الحسن احسان

انا عقلى بيك مخلول والناس عقول ولسان

*******

مابنكر المعقول امنت بالايمان

يا الطلسم المصقول بدلى خوفى امان

بالنور سحرت عقول كانت صــمـيمة زمان

يا من تحق القول قتل النفوس حرمان

******

ما الجندى والمقتول وطالب الغفران

من ايدو راح منتول واتوهد النيران

فاقد الصواب مبتول من ما راى حيران

واصبح زهر مشتول وفاح ملاء الجيران

*****

حبيبى كون ممهول وليكن ما كان

الفى غدا مجهول والماضى اسمه الكان

نفداك شباب وكهول ونبقى ليك اركان

لى حيك المأهول ونخدم السكان

*******

ياعلة المعلول كم اوما ليك بنان

كم من اسير مغلول ما لاقى لحظة حنان

يرعى وعدك المحلول زى حجة الوسنان

والكان سكونو تلول ما ببدلن بى جنان

*******

يا الفى سماك مفصول تنشاف عيان وبيان

ماعرفنا ليك وصول وما دنيت احيان

انت الخطاك اصول يعلم الديان

مثلت فينا فصول ما بدرسا النسيان

الشيخ فرح

15-04-2007, 10:05 PM

الاخت بقعة ضؤ جيتي ومعاكي الابداع لهذا القسم وقد قمت بتثبيته لما لا يكون هذا البوست مرجع عام للباحثين عن أغاني والاشعار التي انتثبت إلى الحقيبة ... وهذه دعوة لكل من يزور هذا البوست أن يشارك بقصيدة وكلمات من أغاني الحقيبة ويا حبذا إذا كانت من مصادر موثوق بها وذكر مولف ومغني وملحن القصيدة إن وجد وأن يتحرى من صحة الكلمات فربما يمر فنان واعد على هذا البوست وينقلها ليتغنى بها ولما لا فلا تستبعدوا ذلك ...

وأشكرك اختي بقعه وعارفك قراية يلا اثبتي وجودك وقد أٌوكِلت لكي هذه المهمة في تنزيل ما يصادفك من كلمات الحقيبة ...
أما انا لدي 200 صفحة في إنتظارها لترى النور هنا بإذن الله

دمتي وأعجبت جدا بالفكرة وخاصة هذا تراث شفاهي يعتبر ويجب ان نهتم به حق إهتمام ..:word: :word:

الشيخ فرح

16-04-2007, 12:02 AM

وأبدا هنا هذه المشاركة لجدنا الشاعر المرحوم / ود الرضي الشاعر المعروف

صورة نادرة للشاعر ود الرضي
http://www.phroon.com/upload/file13/wadalradi15902630090.bmp

صورة نادره للشاعر مع إبنه الطيب
http://www.phroon.com/upload/file13/wadalradi22329174280.bmp

لعام 1974م

ولد شاعرنا و هو محمد الرضي محمد سليمان المعروف بي ( ود الرضي ) في بئية مشبعة بالفن بمدينة العيلفون وترعرع بين الدبيـبة و ام تكالي والجريف غرب ثم ام ضوابان لحفظ القران لان والده من ام ضوا بان والعسيلات .
والدته هي أم نعيم حمد عبد القادر من الجريف غرب والعيلفون . وهو أب لولدين الطيب والرضي و بنتين رحمة والدلسة . زوجته / فاطمة محمد علي التي كتب لها ( ست البيت بريدها ) بـدأ شـاعرنا كتابة الشعر في سن مبكرة في السابعة من عمره وهـو أول من سجلت له أسطوانة في الاذاعة سجلها له / دميتري البازار واغنية ( متى مزاري )

وهو يعتبر من شعراء الحقيبة تغنى له كثير من الفنانين وأبرزهم الفنان الراحل / خلف الله حمد والفنان / مبارك حسـن بركات أطال الله عمره الذي أيضا يعتبر مرجع لغناء الحقيبة ، والفنان الراحل / أحمد المصطفى و ثنائ العاصمة وثنائ الدبيبة وخلف وراءه كثير من الاشعار في مناسبات عدة وما زال إبنه الطيب يجمع بكد وجهد دون كلل او ملل في ما خلفه والده بين أصدقاءه في بقاع السودان حيث الشاعر كان كثير الترحال وترك بصماتة في اي مكان زاره . حيث عمل عمل بالزراعة ، ثم عامل بخزان سنار .

وكتب الشاعر للوطن والمدح والحماس والكرم والغزل وجارى كثير من أبناء جيله منهم ناظر أبو دليق محمد الصديق طلحة . وناظر الكواهلة / الشيخ يوسف جميل والعمرابي والعباي وشاعر رفاعة الشيخ أحمد حمد أبو سن والعمدة طـه عمـده البطاحين والشاعر / أسماعيل حسن ولا ننسى الشاعر / الحاردلو وكثر ومنهم من سقط عنا سهوا وليس عمداً ...

****
سنفيدكم بمعلومة جديدة حين توفرها لنا .... وعلمت أن إبنه الطيب سيشرفنا في زيارة إلى الرياض السعودية وهذه مناسبة اخرى لنوثق له ولوالده ...

الشيخ فرح

16-04-2007, 01:02 AM

نبدا في أشعار الشاعر ود الرضي

يَلُوحَنْ لَيْ حَمَامَاتِنْ = هَمَنْ عَينَيْ غَمَامَاتِنَ
بَرِيِدَنْ شُوقِي لَي لَمِاتِنْ
هُيَابْ رَعَّابْ جَمَالْ فَاتِنْ = وَلا شَيْ فِي الأدَبْ فَاتِنْ
ِتُتـوقْ الرُّوحْ لِشُوفَاتِنْ = وأرْجِـفْ حِينْ مُوَافَاتِنْ
***
نَدِيـْم قُولْ لَيَّ هِـنْ يَاتِـنْ = مُهَاةْ رامِة وظِبـَيَّاتِنْ
نَِسيمْ شِيلْ لَيَّ تَحيَّاِتنْ = وخَصَّصْ بِيهَا نَّياتنْ
***
تبق النور وسيماتن = تضوي العتمة بَسْمَاتنْ
حبيب إشتقنا نسماتن = حليل ديلاك رشيماتنْ
***
ربات الحسن في كناسن = بريدن أبقى ونَّاسنْ
بريدن وماني دناسن = يا لاعب ماك من ناسنْ
***
وجن توب الحيا لباسن = نزل نور القمر باسنْ
أهيدن وأرضى حباسن = يموع قلبي ويخاف باسنْ
***
بين الشادي والشادن = تحير فكرو نشَّـّادنْ
خدودن جل ورَّادن = جميع الشاهدن رَادنْ
***
سكينة تجلي فصاَّدن = قلوب الأدبا مِرْصَادنْ
قنابل ترمي قصَّادن = فهن صادنو ما صَادنْ
***
بثينة وريّا وسعادن = جميع الشاهدن رادنْ
متين لحظوظي ميعادن = يكون سعد السَّعود عادنْ
***
عسف نيدن خفى جلادن = وضيبن هدّدْ اللاّدنْ
عفافن عفَّ تيلادنْ = بسوق القوقْ على بلادنْ

****
همن : اسقطن الدمع ، همي :سقط وصب
وجن : جمع وجنة ، نزل نور القمر باسن : تلك الخدود النضرة اللامعة السطح
عندما انعكس عليها ضؤ القمر شكل عليها دوائر شبهها الشاعر بالقبل ( باسن )
نيدن : النيد ، الرائحة الطيبة . جلادن : الجلاد تميمة تتحلى بها المرأة وهي طيبة الرائحة
تصنع من عطر الزباد ، قط (كديس ) خلوي من فصيلة الزباديات يحمل تحت إسته جبياً
حيث تتجمع ماده عطره ممسّكة .
تيلادن : التيلاد المولدات ، تلد فلان عندنا ولدنا أمه وابوه .
***

***

2MS_N.W.A

16-04-2007, 10:46 PM

السلام عليكم ورلله ورحمة الله وبركاته
والله صراحه يا جماعه انا ما بسمع الاغاني السودانيه غير اغاني الحقيبه وبستمع للكلمات لاني بحب كلمات الشعر
انا سمعت الغنيه دي وكلماتها دخلت في راسي ما نسيتها نهائيا وحبيت اشرك بيها لكن صراحه ما عارف غناها منو ولا الفها منو
انتو اكيد حتكونو عارفين
اسمها في الطيف وهي
مالو لو في بعض الاحيان تسمح لي صحوا اراك عيان زورني يا حبيبي انا عيان
تاخذ يا حبيبي عن حالي بيان عسى تبقى قلوبنا في الغرام سيان زورني يا حبيبي انا عيان
في الطيف او في الصحيان زورني يا حبيبي انا عيان
يالفريد في حسنك وبهجة ام درمان انا لي من شوفتك يا حبيبي زمان زرني يا حبيبي انا عيان
ديم اسهر ونوم عيني حرمان وانت بين الدابات في نعيم وامان زورني يا حبيبي انا عيان
في الطيف او في الصحيان زورني يا حبيبي انا عيان
ديم اساهر لصحية الاذان اناجي خيال اشعاري والنجم والاوزان زورني يا حبيبي انا عيان
دومي هوي زورني عيان دمعي هتان انا برسليك عن حالي بيان
يا زاهي اللون سيد ام درمان انا لي من شوفتك يا روحي زمان

بس بالله ممكن تفيدوني باسم مؤلف الغنيه والفنان وانشالله تعجبكم

الشيخ فرح

16-04-2007, 11:20 PM

قصيدة أخرى للشاعر ود الرضي

نسايم الليل
( كان يغنيها ثنائي العاصمة )

نَسَايِمْ الَّليلَ كَلَّمِي = للِبرِيدْ رُوُحو سَلَّمِي
***
العصر عصرك أجرمي = جودي وإن شئتي أحرمي
قلبي أنا العندكم رمي = أصلوا ما نافع أفرمي
***
الكتيف ستي أهدلي = جارد السبحة بهدلي
فوق بهاك تيهي واقدلي = شارع الحارة صندلي
***
الوضيب طولو نص متر = والوريد ماهُـو منَبتْر
فاقلة ضالمة الضَّهَير فِتِرْ =والنَّغَيمْ سُكَّرًا كِتِيـْر
***
إحمرار مزج بياض = تشبه الزهرة في الَّريَاضْ
آه أنَا الضّاقْ بِيَّ الفَيَاضْ = سيدنا أحجبني ليك بَيَاضْ
***
بنُورْ الحَيَا خـدّك إنغسلْ = والنَّظَـر طَبْعتـُو الكَسَلْ
المزمزم ضرب مثلْ = عَجْـوَه مَعْطُـونَة في عَسَلْ
***
شوفه جات تمشي بي مهل = عطرت أحمد السَّهَـلْ
العيون للعباد ضهل = ماء الحياء فوقِن إنْبَهَلْ
***
شوف كيفين منعمة = بالعفاف كيف مُعَمْعَمَة
الجسَيم ناقشه وأنْعَمَه = الحَسُودْ عَينُه بَالعَمَى
***
جالسة والهيبة حفَّـته = تشبه الغُـوفَة كفـَّته
قامت وتيابة لفته = والقلوب جاته رجفتَه
***
الشَّلخْ هُـوَّ حَيَّتـي = رِسْمُو زَيْ رَْم كَيَّتـٍي
زَادْ أنِينِي وكَيَّـتِي = نَيَّتـِي مِلاضَّـه نَِّيـتِي
***
المَناظِـر عَلى التَّـلاَلْ = والعِـُيون طَابعـةَ الـَّدلاَلْ
الَمدَوَّر كَـذَا الهِلاَلْ = أحْسَن أحْسَن نَمْـوت حـَلاَلْ
***
حصَّـة محشَّية بي زُبَـد = َجلْسة لَي ُمـدَُّة الأبَـْد
بَدْر تَمْ ضَوَّى فِي كَبَد = إلَّا بسْ عارْضُـو مُستَبَـد
****
فِتر : الفتر ما بين طرفي الابهام والسبابة إذا فتحتهما .

بقعة ضوء

17-04-2007, 07:35 PM

تسلم شا شيخنا على كلماتك الروعة
وربنا يقدرني واقدر اجمع ولو جزء من اغاني الحقيبة الجميلة

وبداية

في الطيف أو في الصحيان
للشاعر المبدع : عمر البنا
وتغنت بها البلابل

في الطيف أو في الصحيان زورني
يا حبيبي أنا عيان
مالو لـو فـي بعـض الاحيـان
تسمح لـي صحـوا أراك عيـان
تاخذ يا حبيبي عـن حالـي بيـان
عسى تبقي قلوبنا في الغرام سيـان
يا الفريد في حسنك و بهجة أمدرمان
لي من شوفتك يا حبيبـي زمـان
أنا ساهر و نـوم عينـي حرمـان
و إنت بين أترابك في نعيم و أمـان
النحول علي جسمي يا حبيبي بيان
و إنت جسمك نامي و بالنعيم طربان
لو رأك الناسك المـن الله جبـان
بيك يفتن و يصبح بالغـرام تعبـان
قبل حسنك قط ما رأيـت انسـان
فاق العسجد لمعة و الحريـر لمسـان
كيف يحصر وصفك يا حبيبي لسان
و البان إتعلم من قامتـك الميسـان
ما الـدرر لثنـاك ما بنـت ألحـان
للمـاك و آيـة نفحـة الريـحـان
إنت حسنك كامل لكـن لمحـان
خدك قاسـي و قلبـك ما حـان

الشيخ فرح

17-04-2007, 10:29 PM

رائع منك يا بقعة ...

قصيده أخرى للشاعر / ود الرضي

يا فراقي :
غناء المرحوم / خلف الله حمـد

يَا فُراقِي مَتَى التّــلاقِي = والنَّسُونِي يَآنِسُونِي
***
يَا حَبِيبِي حُسْنَكْ لَيهُ نَاظِرْ = نَصْبَ عَيْنِي وعَكْسَ بُونِي
كُلّي لَي مَعَناكْ مَنَاظِرْ = والأمَانِي يقـرّبُوِني
***
شم ريحانك فؤادي = وقلبي شمّك وهاك فنوني
حلّ بدرك في سوادي =بالسويداء رشّـف دنوني
***
كنت أملي ومنشدونك = لولا أنّ تنفــدوني
كُلّ حسناء عنـدي دونـك = وكل محـب حسنـاء دوني
***
ليت يا مُحَسَّنْ حُـليك = قلبك كان زي لبي ليك
تروي روحي البتَّـوق إليك = وتشوف محاسنك بي عيوني
***
كنّا نلهـو في جهلنـا = بين ربوعنا وبين سهـلنا
كانوا ما بيحمونا أهلنا = يا حياتي ويا عيوني
***
كن تصغـىإذا حكـيت = وكنـت تشكي إذا شكيت
واليوم أقول يا حبيبي ليت = الغِشـوكم لو غِـشُوني
***
ليت بعد النجعـة رجعـة = والنسّوني يآنسـوني
وليت بعـد الرجعـة وجعـة = والحُنـان يتلمسـوني
***
كنت تطلب كنت أدفع = قدرك أرفع قدري ترفع
كنّا لو كان تنـفع = دنيـا زي ما تكوني كوني
***
التفكّر في وسـامتك = عارضيك يشـاهـدوني
بالتذكر لا بتسامتك = يندلع معصور عيوني
***
قلبي رقّ وكبـدي حـنّ = والسُّـهاد نشـّـف جفوني
الفراق مهما امتحنَّا = ما نسيتم لو نسـوني
****

الحلوة

18-04-2007, 01:40 PM

حلوووة منك يابقعة:14:

يكون احلي لو واصلتي فيهاا لاني انا عن نفسي ماعندي اي فكرة عن الاغاني دي:002:

مع التحية:word:

بقعة ضوء

18-04-2007, 07:48 PM

الشيخ
على دربكم سائرون
الحلوة
تسلمي يا ست الناس على كلماتك دي
وجد في اغاني جميلة جدا من تراث الحقيبة
وانشاء الله نأتيكم بالمزيد

الشيخ فرح

18-04-2007, 10:47 PM

السلام يا روح البدن
الشاعر / ود الرضي
كان يغنيها الفنان / خلف الله حمد بدر لهما الرحمة

السلام يا روح البدن

السّلام يا روح البدن = يا غصين النّـقا يا لـدنْ
****
يا مهفهف يا أملدن = ليك غصـون البان قـلّـدنْ
أشكو ليك أيامـاً عـدن = الأمان يا جنـّة عـدنْ
****
غنّـى قُمـري اللّيل مُـرشـداً = أسْـكر العُـشّأق غير دَنْ
كُلّ مَنْ يتعـشّق شـدن = قال منامُـه اليُـترَك سُـدا
***
كم قلوباَ بيك هلوسـن = تصحـى يا ذو الوجـه الحـسنْ
كيف عيون الليل ينعسـن = وإنتي ساكنة بدل الوسنْ
****
جاز سِـرباً زانـو الفِطـن = لاحتفـال مـن قُـربَ الوطنْ
كُلّمـا مـاسـن خطـن = خطـوة لي بالقُّـنبل سطـنْ
***
النسيم سارقني وركن = لي تَسّـربْ نيـد العُـكنْ
أنعـشاني وهـاج مَنْ سَكَنْ = والعِـيـون لا أشعُرْ بكنْ
****
غنى شادي وسفر الحشيم = صافي للإبريز الغشيمْ
قلبي أنا المحسور الوشيم = كهربائي وسلكه الرشيمْ
****
بي وحَلْ للتُـَّبر نقـل = يمشي حبـه وشعـره وأقـلْ
إنعقـد رجحنـبـو العُـقل = وهّـط المهـدول في الفَقَـلْ
****
بوبح المبروم إنصـقل = حاكى ظبي الَّريم الّوقّـلْ
ياسلام هاتيك المقل = ما رلآهـن عـاقل عقـلْ
****
النقا :- الكثيب من الرمل والمراد الغصن الذي ينبت في ذلك الموضع.
نيد العكن : النيد الرائحة الطيبة ... العكن :...بقايا الدلكة المتساقطة على السرير .
الإبريز الغشيم :- الذهب الخالص .
التُّـبّر :. جمع تابر لين وناعم .

الشريف

19-04-2007, 08:14 PM

يا سلااااااام عليك يا الشيخ ويا سلام علي ود الرضي جدنا
إلوحاً لي حمامتن همن عيني غمامتن بريدن شوقي لي لماتن
ما بين الشادي والشادن تحير فكرو نشادن وكل الشاهدن رادن

2MS_N.W.A

20-04-2007, 01:17 AM

ود الشيخ انا كل ما ادخل القاك كتبت شي جديد بفرح
تعلمنا الكلمات السودانيه القديمه و في نفس الوقت تخلينا نتغنى بكلمات ود الرضي الجميله الكنت ما عارف عنو اي حاجه
واسي عرفته اي حاجه عنو عن طريقك انت
يديك العافيه يا مان

الشيخ فرح

20-04-2007, 03:44 PM

2ms_n.w.a أشكرك يا رائع معليش ما علقنا علي مشاركتك الاولى أكيد الحقيبة كلماتها فيها معاني جميلة تدل على الرجل السوداني الاصيل وطيبته وكرمه وشجاعته والعبارات فيها تؤرخ ليل كان حافل وملئ بالإبداع ..... اما عن الكمات التي نزلتها أولا ننتظر من يحفظها أو صادفته في كتاب ليصحح ما فيها من أخطأ وأمل ان تكون كما قالها الشاعر .... فلك التحية وإهتمامك بهذا البوست سيجعلنا نهتم ونبذل جهد جهيد حتى نمتعك بأشعارهم ..

الشريف حضورك هنا أسعدنا ويلا نزل معانا ما تحتفظ به من معلومات عن شعر الحقيبة

الشيخ فرح

20-04-2007, 04:28 PM

مية وتمانية للشاعر الراحل / ود الرضي

ميّة وتمانية وستّة وسّتة= حبيبي حليلو القام يوم سِتّـة
***
لو ما المعنى المرسوم ستّـة = أنا كُنـت أتشوّم كُلّ الستّـة
يا العُدلة الاربعـة والستّـة = أنجدوا بي ضاقت القِبـل الستـّة
***
حليلة الماها خَشّـانة = لِهيجـة العُـمرو ما شانة
الدّرة الخـلّت حيشانة = يا دمعي تساقط علشانة
***
الخد الساطع توريدو = وين أصبح شرّق يا مريدو
شال نومنا وطاب تغريدو = وحرمنا الكانت بتريدو
***
تناجي خيالك أرواحنا = ونزاور حُوشك في رواحنا
إن شاء الله العُـودة يا سماحنا = إن شاء الله نواصل أفراحنا
***
بطّلنا الجلسة والجَّمعـة = ما دام فنيارنا بدون شمعـة
بطراكي يا طيبة السُّمعة = بالعبرة الخانقة والدّمعـة
***
يا حليل المهرة المحسوسه = يا حليل الدرة المدسوسة
ما طرقت بابه الجّاسوسه = العـود السالم من سوسه
***
يا نعمة العافية المشهـوّه = فكأننا بعـدك في هُـوَّة
أل الانت مثالك مين هُـوَّ = من عين الحاسد ( قُل هُـوَّ )
***
رُّبَّات الحُسـن الفي خدُورن = فُراقك كاسف لَبدُورن
تبُش دمَّاعن في صِدُورن = بالدُّرة الكانت ضي دُورِن
***
في أمن الله ورعايه =وسِرورا دايم لا نهاية
وَّتعُـودي بلـدنا يا آية = بقـدُومِك نَحْـنَ نَبلُغْ غَايَة
****

مية وتمانية وستة وسنة = 120 مجموع أرقام حروف مليم في الحروف الابجدية
فالميم = 40 ـ اللام 30 ، الياء = 10 والميم الاخرى = 40

بقعة ضوء

21-04-2007, 08:00 PM

قصيدة: حور الجنان
للشاعر سيد عبد العزيز

مـن حـور الـجنان أم أنـت إنسان الكمال
هـل أنـت الملاك جيت تورى الناس الجمال

سـبحان مـن نشاك حسنه وفى غاية الكمال
يـهـواك الـجنوب وإلـيك يـنقاد الـشمال
وما أظن يحصوا حسنك لو يحصوا عدد الرمال
بـى إيه يقدروك يا ملك ملوك عصر الجمال

سـلطان بـهجتك مـحروس بجيوش الجلال
ويـغار مـن صـفا حسنك صفا ماء الزلال
فـى مراية خدودك أشوف تأكيد سحر الحلال
وأشـوف فى سما حسنك كل يوم يسطع هلال

صفا ماء الجمال فى مجال جمالك راق وجال
زى مـاء الـحياء فـى عيون ربات الحجال
مـا فـعل الـسلاح تـفعل عـيناك الـنجال
مـكسور الـطريف كـسر قـلوب الـرجال

يا خلاصة المعانى الصار معناك موضع مثال
فـوق الـمحسنات حـايز لطف وكرم خصال
آلـهة الـجمال اعـترفوا لـيك ما ليك مثال
وتـتمنى الـبدور تـقبيل يـداك بـى امتثال

يـا طايل الوريد يا أهيف يا اللى خصمه زال
فـيك مـنظر يحنن وفيك منظر فارس النزال
لـيك مـن الغزالة جبين وقاد وعيون غزال
الـحور مـن مـناصبها لى قدرك تكتب نزال

يـا الـغصن الـرطيب عاجبنى فيك الإنهدال
الـلادن قـوامك مـن مـلبن وذو اعـتدال
جـوهر حسنك الصافى وسيرك طاهرات عدال
آيــات بـينات مـا فـيهن لـلكافر جـدال

شـاركت الـغمام والـموج مـناظر وارتحال
شـاركت الـظباء فـى نـفرتن والإكـتحال
شـاركت القلوب فى موضعن وعلى كل حال
نـفداك بـالنفوس وفداء النفوس كان المحال

الشـقِي

21-04-2007, 08:43 PM

الراحل ابراهيم الكاشف

وداعاً روضتي الغنا
وداعناً معبدي القدسى
طويت الماضي في قلبي
وعشت علي صدا الذكره
وهذا الدمع قد يمضي
في ظلم المهجه الحيراء
لماذا الهجر ياحبي
لماذا دهرنا ضنا
وشبع روحي بالياس
وداعاً جنتي الغناء وداعاً معبدي القدسي
نسيتي الماضي ياليلي
مواضي الحب والطهري
ليالي نبقع الليله
بحلو النجوي والشعري
ليالي حبنا الاولي
نسيتي ليله اذ كنا
نفدي النفس بالنفسي
وداعاً روضتي الغناء
وداعاً معبدي القدسي
اظل اردد الشكوي
لما لا قيت من وجدي
حبيب الروح لا اقوي
علي حمل الهوي وحدي
ولما لم اجد سلوى كسرت ابريقي وادنا
وسكبت علي الثري كاسي

الشيخ فرح

22-04-2007, 04:34 PM

الليلة وين فايتني يا تومي

الشاعر / احمد محمد الشيخ الجاغريو ( العيلفون ـ الدبيبة )
غنـاء الفنان الراحل / خلف الله حمد بدر ( الدبيبة شرق النيل )
الليلة وين فايتني يا تومي = أنا السهران كِمل نومي
غرامك لي براي مقسوم = وفي الجنب الشمال مرسوم
أسجل عمري ليك رسوم = ضميرك بالحزام محزوم (1)
غرامك لي براهي لاهي = وفي جوفي السعير لاهب
قليبي وعمر ليك واهب = عيونك تسحر الراهب
تعال يالقمري ناجيني = أطفي البي سجيني (2)
هناك محبوبي راجيني = خطف قلبي وأبى يجيني
صغير لا جاب ولا ودا = جمال التين مع الوردة
حلاوة في خديدك الفصدة (3) = حبيبي السكنو العرضة (4)
أشوفك وأنت في الاكليل (5) = شعاعك باقي ليك زميل
جلست وأنت في التدليل = تغازل فيك نجوم الليل
تعال يا الشادن الفني = معاه الزرعي والبُنى
في دولة عزّة متهني = تعال يا ود حمد غني (6)

ود حمد غني المقصود بيه الفنان خلف الله حمد

الشيخ فرح

23-04-2007, 11:18 PM

من الاسكلا

من الاسكلا وحلّ = قام من البلد ولىّ
دمعـي للثياب بلّ
بي داهي العذاب حلّ = وبي تذكارُه بتسلَّى
قلبي الذاب وإختلّ = وين بدر التمام هلّ
***
صفّر ودّع الوابُور = حاجزين قَمَـره إثنين دُور
الوابور مرّ بالمجرور = شال ظبياً سِكُوَنُو خِدُور
***
جَبَل أولِيَا حَبِيبي غِشَا = وحَصَّل في القَطِينة عِشَا
يا قلبي الطفش وفشـا = الَما آليْتُه يَنْكَفشِا
***
حَلّ زَيْ الصّقُـْر خَوَّى = بَالَبدر الَّدَويـْم ضَوَّى
عاد لا حوله لا قـوّة = حبيبي الليلة في الكـوَّة
***
صباح الخير على أم نفلين = أهني البيها محتفلين
سيد الحسن رب اللين = شرّف كوستي والجبلين
***
هنيئاً حان وقت زهاك = الرنك إحتفل ببهاك
وين الليلة يا النشهـاك = ياليت كنت في الجلهاك
***
يا كاكا الحبيب طلاك = بعده الزاد نفوسنا هلاك
يا ملوط حليل نزلاك = يا زمن الفراق نسلاك
***
بقدومك كدوك أصبح = سوقو من الكساد أرباح
أنا من نياحي صرت أبح = كأني في مبرك المذباح
***
زاد من بعدك الانكال = قلبي البالهموم إنكال
شاطري العاصمة يا ملكال = توفيقية صبري أنا كال
***
شامي أضحى بيك مسرور = بعد المنقلا يا سرور
يا جوبا حي أنا المضرور = بعده النوم بقى لي ضرور
***
من دا الهم ما بنجى = حبيبي الليلة في تونجا
يا خالق الخلق تنجا = تركاكا حلّت العنـجا
***
سلام متنامي ما غبّ = ما مرّ النسيم صبّ
يري أل للعفاف ربّى = ويخدم كامل الرُتبا
***
صُب يا دمعي لا تكون رجّاف = ويا قلبي البقيت رجّاف
البدر الخفا الانجاف = اليوم شرّف الرّجَّــاف

****
وللقصيدة مناسبة بين شاعرنا وشاعر آخر لم يحضرني اسمه سقط عني سهوا ... المهم كان التحدي والشاعر ود الرضي لم يزور المناطق التي ذكرها وهي محطات القطر او يمر عبرها القطر في رحلة طويلة ... وعندما وصل ود الرضي إلى اخر محطة وهي الرجّاف طلب من متحديه وصديقه أن يرجع به بنفس الرحلة ويصف وينزل به في كل محطة ... هذا تحدي بينهما ....

بقعة ضوء

24-04-2007, 08:30 PM

الشيخ
كالعهد
حضور ومعلومات

وعيني باااااااااااااااااردة

الشيخ فرح

26-04-2007, 06:47 PM

بينما انا اتصفح الكتاب بتاع ود الرضي وجدت في الصفحة رقم 183 مسدار في شكل إعلان وترويج لبسكويت ساتي حبيت انزله هنا كإستراحة وبعدها نواصل بقية اشعاره

لكن عاوز اعرف ناس ساتي كافؤا جدنا ود الرضي بي شنو كرتونه بسكويت هههههههه
بسكويت ساتي

مالك يا جـاهل خلّيت بُكاك سَكَـتّ = أظنَـك بي بسكويت أولاد سـاتّي إتبسكتّ
مـن جِـيهة حلاوته أنا إتـاكّـدتّ = فيتامين الرّغيفـه تلقـاهـُو في فـَدْ حــّـتة

شوفوا مع انه ما درس علوم وحاجات زي دي لكن ظهرت ثقافة شاعرنا ( فيتامين )
الرغيف :طبعاً العيش ، أو الخُبـذ .
فـد حتـّة :- يعني مكونات رغيف كامل مثل الفيتامينات وجدت في قطعة صغيرة من البسكويت حتّة .

الأسطورة

28-04-2007, 01:02 PM

الرائعة بُقعة ضوء ...
كم جميلا ماطرحتي علي تلك الصفحات ...
وكم رائعا صياغتك لتلك الابيات ...
لك الشكر اختي ومنتظرين منك كل جديد
تقبلي مروري

الشيخ فرح

30-04-2007, 11:09 PM

نعيم حياتي أيضاً للشاعر الراحل / ود الرضي وغنـاء الفنان الراحل أيضاً / خلف الله حمد بدر

أنا يا نعيم حياتي = ما برى ليك مماثل
يا أعظم سلالة = يا نسل النواسل
عزّ على وصلك = والخُرّد حوافل
مهما تجلّى بدراَ = دُون خدّيك آفل
أهنأ بي ذِكِرتك = سهمك جاني راسل
كم يا حبيبي مثلك = جندل مثلي باسل
يجلي ظلامي بدرك = يا المن بدري ناسل
إمتَي زماني يصفـي = يبقـى مريرو عاسل
على بهجة جمالك = كل شي عندي تافل
أنا مملوك جمالك = مالك عنّي غافل
أهدل باهي وإحتفالك = حسنـّت المحافل
شعرك حالك بدرك = يخرق كُلّ طافل
حافل وإحتفالك = حفّلت المحافل
ليه يا جافي جارك = دايما عنّي جافل
فتح ورد خـدّك = وزهـر الرُوض ذابل
مكمن جوز جواعبك = فيهُ أفكاري طابل
صارف عني خدّك = دون سبباً مقابل
زي ما بي تفعل = أنا يا حبيبي قابل
لو بدرك ضوى افقك = يا سماء إمِي آمل
أنا يا حبيبي قابل = زي ما بي تقابل
لك ما شيئت مني = تهجر أو تجامل
حبُك فيّ ثابت = لهُ مِن جفني هاطل
تفيه أمرك أقدسو = وأمري الحاكمه باطل
هاجر دُون كَرَاهة = وتائه عَظَمـة ماطل
مُرتاح فاضي بالك = دا الخلاّي عاطل
حُبُّك يا حبيبي = جُـوّ فؤادي شاتل
حُـبّك أحـبًّه جداَ = هُـو الليّ قاتِل
طَرفَك مالُه ضَاحك = غُصنَك مَالُه قاتل
لطُـفك عنّي لافت = أسندُه وإمشي حاتل
أغني عليه واطمع = أطمع أبقى أقابل
يا ماء الحياة = يا حب السنابل
أتأمل محاسنك = سهمك جاني نابل
ريحانة فؤادي = كُف عنّي القنابل
تفرحني إبتسامتك = والأيام غوافل
تداري يا داري داري = يا وتر النوافل
الدّايرني أريدُه = معاك أقولوا غافل

****

الشيخ فرح

03-05-2007, 07:03 PM

أنا في التمني
الشاعر ود الرضي غناء الراحل / خلف لله حمد بدر

أنا في التمني = ديما هديلي ساجع
ما لقيت لي مغيث = ولا لقيت لي مراجع
داير اشوفو حبيبي = اليوم داك شفتو
رايق دمو ناقع
أسود شعرو حالك = أمّا صفارو فاقع
تتلاطف خدودو = لا حجاب لا براقع
يفر خيط بسمه يشبه =برقا ليلو هاجع
أقيس الفم بودعة = والقى الودع واسع
أقيس الليل بشعرو = وألقى الفرق شاسع
أشوف لُعسُو ونواعسو = جلّ الباري صانع
يرفع ناعساتو = ويسبل نظرو واقع
أشوف في خدو شخصي = وفي صدرو المصارع
داير أشوفو غافل = داير أشوفو جازع
مَحَنّن بدون قُنَلّة = وحّدو وتوبو واقع
يتغطى بسواعدو = ويحنو كانه واجع
يلتجي بي مرافقو = وأطراف المضاجع
ويردّد لي نِغيماً = تشتاقلو المسامع
وتلب فوق شفاهو = لؤلؤة المدامع
أعاين فيه وأضحك = أجري وأجيه راجع
متلاعب ليس إلا = ما موضوع مطامع
دِي ما بلقاها زولاً = زيّ أنا صيده ناجع

الشيخ فرح

09-05-2007, 09:43 PM

بدور لو مرة نتقابل
الشاعر ود الرضي
غناء المرحوم / خلف الله حمد

****

بدور لو مرة نتقابل = حبيب روحي وأراك لامع
أوجه نظري لمحيك = وأجد من هيبتك مانع
أحاول وطرفي يتخاذل = وأرجع أمجّد الصانع
روحي تتوق وتتلبس = لنفس ثبت الخاشع
فما روض نبت غصناً = يماثل غصنك اليانع
ولا عيناً رأت قدّاً = رشيق زي قدّك الرائع
في بستانك بفستانك = تمشي هوينة الخاشع
وتقطف زهرة صفراء = تماثل لونك اللاّمع
تفوح من عطرك المخمور = روايح تغمر الشارع
ومن رطب النسيم تنعش = إذا ما كنت بتطالع
تنام في ضرى الكثيب راصد = بتوب شفّافك الناصع
ملمّع يرقش العسعس = تسريحة الصانع البارع
نوم العافية يا الغافي = تعيش لي سعدك الطالع
طلبت الحظ لا يبارحك = أجابني برغبة لا مانع
شوفوا هذه الروعة
دمتم طيبين:word: :word: :word:

بقعة ضوء

14-05-2007, 08:44 PM

شباب عدنا
بس الزمن وكدا
وانشاء الله نجيكم من جديد
تحياتي

شبانة

14-05-2007, 09:08 PM

لو عرفت بس انتي بتمشي وين وبتجي ؟؟؟؟؟؟؟؟؟؟؟؟؟؟

الكلام ليك يا بقيعة

حافية القدمين

18-05-2007, 02:40 AM

معزالدين باشا

19-05-2007, 01:38 PM

كيف الحال يا شيخ فرح انا طرزان

معزالدين باشا

19-05-2007, 01:47 PM

يا جماعة ممكن تورونا وين ننزل المشاركات انا عندي اغنية جميلة عاوز اشارك بيها

معزالدين باشا

19-05-2007, 01:52 PM

لدي اغنية من كلمات سيد عبد العزيز والحان وغناء المبدع كروان الغناء السوداني كرومة

معزالدين باشا

19-05-2007, 02:03 PM

انت حكمة وللا آية وللا انسان
انت صاحي وللا نايم وللا طرفك من طبعو نعسان

معزالدين باشا

19-05-2007, 02:09 PM

كم نظرنا هلال هل هناك من يحفظ كلماتها

بقعة ضوء

23-05-2007, 08:21 PM

أنت حكمة

أنت حكمة أنت آية ولا إنسان
أنت صاحي ولا نايم
ولا طرفك من طبعوا نعسان
أنت راحى أنت روحى أنت انسان
عينى يا صاحى وانت احسان
انت نادى انت هادى وانت ميسان
انت ضامر انت سامر انت هتان
انت نادر انت ناضر انت بستان
انت صافى انت ناقى زور وبهتان
يا حياتى يا مماتى هاك سطران
الصبابة ومر عذابها وقلبي اقران
وانت ساهى انت لاهى انت بطران
يا صفائى يا وفاى هاك برهان
عن غرامى وطول هيامى السابنى ولهان
عز قربك أما بعدك ماله لى هان
قلبي خافق هل توافق قدرى ينهان
يا حبيبي كن طبيبي أمر حيران
طول نهارى ثم ليلى ساهى سهران
طال عذابي وصاح غرابى جوى عكران
دمعى هامى وشوقى نامى وفرشى نيران
أنت حالى انت عالى انت سلطان
أنت ساطع وانا ساجع بي غناك طان
طال أنينى وفاق حنينى الحان لأوطان
واليلومنى فى هواك يا سيدى غلطان

بقعة ضوء

23-05-2007, 08:27 PM

كم نظرنا هلال هل هناك من يحفظ كلماتها
كم نظرنا هلال

للشاعر ابو صلاح

كـــــــــم نظرنا هــلال ماشاقنا غير هلالو
ما اظنو زلال يروينا غيـــــــــــــر زلالو
ارى الهلال ينقاد ورا محيو يجـــــــــلالو
كل يوم يزداد فى خديدو نــــــور يحلالو
تتقاصر الابصار عن حسنه مـــــن اجلالو
يتيه يصد باسم مــــــــــا الـــــــذ دلالو
الذ شى قربو بدل النظر فـــــى دلالو
امر شى بعدو وجفاه او اهمـــــــــالو
ارى الغصن بتميل واقول هواها امـالو
على الخلاف واذا ميل علىّ انا مالـــو
طرفو ليه نعسان و انا طرفى ليه يصحـالو
يتلو اية الحسن الفى الخديد لايحــالو
دلالو كل ما يزيد جسمى بيزيد انحــالو
اما قلبى الضاع خلى اليروح فى حــالو
اذا ادار لحظو علـــــــى جبـــــل دكــالو
لو بسم انزل دمـــــــــــع السحاب ابكالو
وقلبو لا يشفق على عاشقو مهما شكالو
حبيبى طبع ااطير ينزل على اشكالو
اذا ادر فاهو يسلب عقول عقالو
طبيعى فاهو خدار لا صبغة لا دقالو
بالراحه والريحان الله جل سقالو
دا شعرو ليلو طويل وجبينه البدرى ايه يبقالو
انا لى حبيب يا ليل نوم العيون قلالو
لى حبيب يا ليل قتل النفوس يحلالو
لى حبيب يا ليل اشوف خدودو يلالو
مع الظلام تشتاق الزهره تتجلالــو

معزالدين باشا

26-05-2007, 02:20 PM

شكرا بقعة ضوء على الاغنيتين الجميلتين وبالمناسبة من هو شاعر اغنية انت حكمة.وارجو ان تكتب اغنية مسوا نوركم

معزالدين باشا

26-05-2007, 02:32 PM

لو ممكن احد الاعضاء يعلمني طريقة انشاء صورة عضوية خاصة بي وارسال بطاقات

معزالدين باشا

27-05-2007, 03:17 PM

مرحباً يا شباب زمانك والهوى اعانك للشاعر علي المساح هل هناك من يحفظ كلماتها؟؟؟؟؟؟؟

معزالدين باشا

27-05-2007, 03:22 PM

هل يمكنني المشاركة باغاني لشعراء من عصر النقلة التي حدثت بين شعر الحقيبة والشعر الحديث مثل محمد البشير عتيق وعبد رال
عتيق وعبدالرحمن الريح؟؟؟؟؟؟؟؟؟؟؟؟؟؟

الشيخ فرح

27-05-2007, 10:54 PM

إهلين أخي معز يا مرحب بيك مرة أخرى إذا كان مشاركتك نصية نزلها هنا عادي البوست مفتوح للمهتمين .. أما إذا كانت صوتية في بوست خاص بالفن بتلقى فيه الفنانين هناك ....

دمتم ومشكور على المرور ...

بقعة ضوء

03-06-2007, 05:33 PM

اغنية زمانك والهوى اعانك ( اعوانك)
للشاعر المبدع علي المساح او علي أحمداي...وهو من مواليد مدينة امدرمان...العام 1900...بحي الأسبتاليه.... ونزح مع والده الي مدينة ود مدني وهو طفلا....ويقال بأن تسميته المساح لانه كان لا يطيق البقاء في مكان واحد كثيرااا
أغنية زمانك والهوى أعانك (اعوانك ) يتبع فيها المساح خطى صديقه محمد على عبدالله الامى في مخاطبته ومناجاته للحمام ....ويطلب منها أن تذكره الملهمة ويدعو لها الله أن يحفظها...ويبدأ الشاعر في سكب الدموع وهيجان العبرات ولايجد طريقة لحبس هذه الدموع والعبرات خاصة وان المنام قد فارق العيون بعد أن غاب إنسان عينه ويقصد بإنسان العين هنا الحبيبة...ويهدى الشاعر للملهمة روحه كهدية منه ويجعلها رهن إشارتها...ويعود المساح بعد ذلك إلى الوصف والتشبيه العكسي وكيف إن سحر هاروت قد اخذ من سحر حبيبته ....ومن قال أن أسنانها قد تشبه الدر والجواهر فقد ظلمها لان أسنانها أكثر تلالا وبريقا ولمعانا.....ويعود الشاعر مرة أخرى إلى البكاء الذي يستمر صباحا ومساءا وهو يتمنى رضى المحبوبة عنه ويتوسل لها في ذلك بعد أن اسودت أيامه وتعكر صفاء نفسه ويتمنى أن تعرف هي بحالته هذه حتى تلين وترق وتعطف....ولم ينسى المساح أن يتحدث عن حسن الملهمة وهو لايوجد عند العرب والعجم و يتميز بالقوام الفارع الذي يتمايل مع النسيم ....ويذكر في نهاية الاغنبة أدب الملهمة الجم والجمال الذي أصبح إجلاله وتقديره فرضا عليه....قصيدة تثبت شاعرية وتمكن المساح من اللغة والشعر ومقدرته على التعبير عن نفشه ووجدانه ....ويذكر الكاتب معاوية حسن يسن إن المساح نظم هذه الأغنية في فتاة من أصول مصرية تسمى بهجة وقد سافرت مع أسرتها في عطلة إلى مصر في عام 1924 ولما عادت سالت إحدى زميلاتها إن كان غيابها قد أوحى للمساح بشئ فانشد المساح صديقتها هذه القصيدة معبرا عن حاله فترة سفرها...
والأغنية تغنى بها فنان مدني محمد سليمان الشبلى ...ولكننا استمعنا لها من الفنان الكبير عوض الجاك الذي كان صديقا وملازما للمساح وسجلها للإذاعة.

زمانك والهوى أعوانك.....احكمي فينا هذا أوانك
حمامة الغصون صداحة فوق أغصانك
ذكرى لي حبيب ياحمامه مولاي صانك
هاجت عبرتي ويا دموعي كيف حبسانك
وين تلقى المنام يا عيوني غاب إنسانك
مدنف ودى بيك لكن فقدت... حنانك
روحي وهيبه ليك هي هدية طوع بنانك
هاروت سحره مأخوذ من سحر عينانك
ظلموك لو يقولوا الدر شبيه أسنانك
في صبحي ومساى نازلات دموع ساحالك
وأنا كايس رضاك ورضاك أظنه محالك
أتعكر صفاي وبياضي أصبح حالك
والحال العلى ياريتو لو يو حالك
حسنك مافى عجمان ولا عربانك
لو هب النسيم الزاكى ميل بانك
أدبك خدرك الضاراك على ما بانك
ما ضر لو أكون أنا من احد حبانك
قلبي أمين هواك يا الجميلة خلالك
يا ذات الجمال فرضا علىّ إجلالك
لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

بقعة ضوء

03-06-2007, 05:49 PM

أغنية بى هوى الخلخال من اغانى ودالرضى الجميلة
وسجلها في الاسطوانات الفنان الشاعر عمر البنا ويتغنى بها حاليا الأستاذ عاصم البنا والذي سجلها لبرنامج حقيبة الفن.
بى هوى الخلخال
بى هوى الخلخال.......لي حبيب الروح
جيبلى طيب الحالي........يانسيم ....الليل

قولو نام الخالي...............وهو يتخيل
رنة الخلخال
بالنظر اسخي لي.........هنئ بى رؤياك
الحياة الماسخالى

النسيم هبى لي..........يا حسينت الذات
الجمر هبى لي
ياحبيب رحماك.............لا تزيد بلبالى
ولا تكون شكواي.....موية في غربالي

قال لي فيق يا غالى..........إن تنل شكواك
لي لست أبالى
كلما أطراك...........العقل يابالى
يا حبيبي البى............حنن اليابالى

كم وكم قبالى...........قلبو مشغول بيك
وانت ماك مبالي
آه كلما أطراك........لا اعى اقبالى
صرت من البى ........شخصي كاد يغبالى

لامني فيك الوالي......واللّ ما بيسوى
وكل من يأوى لي
لست اعبأ بى .........زخرف الأقوال
برضي في التبريح.....والبكى المتوالي

ياعزول اجمالى......اهنأ بى رؤياك
خلنى واعمالى
لا حياة لي ......لولا ما الآمال
خلنى وبلواي.......انت مالك ومالي

يا نسيم لي والى.........هب من المحبوب
في كلا الأحوال
ها أنا الراجيك ......... واقفا لنوالى
وقفة المرؤوس .........في رجاء الوالي

هاك صافى مقالي.......يابديع الذات
انت نور امقالى
الجفا يانور.......العيون لي قالي
هذا لو يرضيك..........حبذا يا غالى

* تم تغيرالشطرة الأولى من هوى الخلخال إلى روح واعرض حالي وأظن إن ذلك تم للضرورة اللحنية

weliz

05-06-2007, 05:38 PM

والله يا البقعه انا ماعندي اي فكري عن الحقيبه وان شاء الله استفيد منكم جميع محبي الحقيبه..........
وربنا يزيدكم علما

معزالدين باشا

07-06-2007, 01:52 PM

بقعة ضوء

13-06-2007, 09:03 PM

والله يا البقعه انا ماعندي اي فكري عن الحقيبه وان شاء الله استفيد منكم جميع محبي الحقيبه..........
وربنا يزيدكم علما
تسلم يا ويلز وانشاء الله نلقاك من المداومين حتى تحفظ الكثير من اغاني الحقيبة

بقعة ضوء

13-06-2007, 09:05 PM

شكرا اخت بقعة على هذه اللفتة البارعة
يسلموووووووو معز
وفي انتظار المزيد منك

بقعة ضوء

13-06-2007, 09:07 PM

جانى طيفه طائف

للشاعر المبدع
عبد الرحمن الريح

لحاظه كالقذائف .....وأنا من عيونه خائف

جانى طيفه طائف .. فى ثوب من الطرائف

خدوده كالقط ئف ... وليه العنب شفايف

حبيبى دمعى زارف .... غرقنى سيله جارف

لماذا عنى صارف.... هالكنى وإنت عارف

تلى فى هواى صحائف ....ولقى حبى غير زائف

قال لى أراك خائف ..... ودون تشرح أنا شايف

حبيبى أنا حالف لى عوازلى ...... ليك أخالف

متى يا غزال توالف ...وتكون علينا عاطف

يا ملهم العواطف ...... ومهدل المعاطف

متى يا جميل تلاطف ...... وتكون علينا عاطف

معزالدين باشا

17-06-2007, 11:25 PM

بقعة ضوء

24-06-2007, 08:33 PM

حالي ظاهر
للشاعر الرقيق محمد بشير عتيق

جسمي أضمحل بغرامك وإنت زاهر
هل تدري يانعسان أنا طرفي ساهر
****
أنا حالي ظاهر شاعر مجيد لغناك فنان وماهر
عاشق نبيل ياجميل ليك حبي طاهر
و بسحر دلالك وكرم خصالك وعشان جمالك
بهوى القمر والنيل بهوى الأزاهر
***
ليلي ونهاري لي حيك بهاجر
آخذني نورك يا ساحر المحاجر
وما بخشي لوم في هواك ما بخشي زاجر
مهما ألاقي من طول فراقي وفرط إشتياقي
حافظ عهودك وحياة خدودك ياللي هاجر
***
حسنك بديع ياوديع في عصره نادر
حكم صفاك مولاي ذو حكمة قادر
وناكر شفاي وأراك على طبي قادر
وأنا برضه آمل تعطف تجامل بمس الأنامل
وتشفي الجروح والروح ولي لقاي تبادر

بقعة ضوء

25-06-2007, 07:35 PM

أغنية صديق مالك
كلمات مبارك خليفة

يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام

انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر

يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور

يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال

بقعة ضوء

25-06-2007, 07:37 PM

شكلي كدا براااااااااااااااااي بغني لي حالي
وين الشباب
ولا زمن الحقيبة ولى وانتهى
:cry: :cry: :cry:

بقعة ضوء

28-06-2007, 06:00 PM

مااااااااا قلت حأغني برااااااااااااااااااي

الشيخ فرح

01-07-2007, 10:17 PM

بقعة رجعنا ليكم

صـادفني الحبيب
الشاعر / أحمد محمد الشيخ (المعروف بالجاغريو )
غنـاء الفنان الراحل / أحمد المصطفـى

صادفني الحبيب = بي حشمة سالمني
تركني أهيم ثملان = ليه قلبي سلمتهُ
***
بي سهـامه ألمني = وأبى ما يكالمني
في هـواه ظالمني = وأنا برضـه سالمتهُ
***
فردوسه في ذهني = وطُهره المنزهني
واجهـه واجهني = وبي عواطفي كلمته
***
بي ضميره كاشفني = هدم أملي نشفني
سبأ عُمري كاد يفني = وأنا مغمى ما علمته
***
أنا ريده بادلني = وهـو العاطفة بادلني
لكنه بهـدلني = قال لي حظك وقسمـته

*****

بقعة ضوء

02-07-2007, 10:43 AM

تسلم يا شيخنا لو ما جيت لاحقنا كنت قمت جارية من البوست دا
مع جمال اغاني الحقيبة
اقيف وسط الداره واتنسم واقول للدنيا ديل اهلي
بس خلوني براااااااااااااااااااااي

الشيخ فرح

04-07-2007, 09:34 PM

بقعـة نحن معكي وسندعمكي ما تكسلي ما زال لدي الكثير

الحجروك حِبي
الشاعر / أحمـد محمد الشيخ الجـاغريو
الفنان الراحل / خلف الله حمـد
والفنان الراحل / أحمـد المصطفـى
****

الحجروك حِبي = وعملوا السبب حُبـي
كيف تنزع الصورة =المرسومة في قلبي
***
يا فرحي وهناي = يا بهجتي وطبي
فيك أملي ومناي = فيك بجيد غنـاي
ما بعشق سواك = وليه مني متخبي
***
أنا لي فيك غاية = هي منيتي وكَسبي
من صدك كفاية = وكيف يرضيك جفاي
يا لحسنك حواك = بحبك وحات ربي
***
يا نيراني زيدي = يا مهجتي إلتهبي
أنا صُبحي ومساي = في عل وعساي
لو في الطيف أراك = ياللي البدور تسبي
***
يا لبيك إنتشاي = ولجنك يزيد طربي
لا تهمك أساي = وما تسمع وشاية
حاكمني في ضراك = وريني إيه ذنبي
***
ايه يعني المراية = مع خدك الذهبي
أنا من دون دراية = اهتف بيك براي
قدامي ووراي = حبك أعلن حربي
***
يالغصنك ثناك = وكيف من هواك سلبي
فيك واضع ثنايا = وفي لحاظك فنايا
فيك نزلت عناية = جاغريو عُمـره مجبي***
منع الشاعر من ملاقاة محبوبته ومنعت المحبوبة من الخروج ولكن كيف تنزع الصورة المرسومة في قلب الشاعر

الشيخ فرح

05-07-2007, 04:26 PM

سيدة شباب الكون
الشاعر / أحمد محمد الشيخ الجاغريو
غنـاء / الفنان خلف الله حمـد بدر

سيدة شباب الكون = ومدينة أحلامي
أنا بالغرام ممكون
يا روحي راعي روحي = زاد وجدي طال هيامي
هاك شعوري ترجميها = قُبال تتم أيامي
مُر يا نسيم بالليل
مالي براك دليل
شيل حُبي وسلامي = وسيب العزول مركون
***
فيك أملي فيك حياتي = فيك التهاب غرامي
ليك في عذابي حكمة = ولي في هواك مرامي
ولهان حزين ووجيل
والحب غــذاء الارواح
كل جيل يسلمه جيل
***
وبعد إنتهاء الاجيال = في قبري ليه سكون
***
عاودني يا نسام = في عودتك مدامي
تشفيني أخبارن = أصبحت قلبي دامي
سهران وجسمي عليل
وليك السيادة براك
ساحرني بالتدليل
***
مهما أقاسي معاك = أنا برضى ليك أكون

***

الشيخ فرح

06-07-2007, 03:38 PM

فيضان النيل

البحر السطيت
الشاعر / الجـــاغريو
غنـاء الراحل / خلف الله حمـد
*****

البحر السطيت غيرك مافي ذكره = كشفت العرايس العجوز والبكرة
هدمت القصور
الخولي النشيط صار ما عنده فكرة = وأصبح ساهي حاير وألت عقله سكره
والافكار تدور
ما هماك حالن ما فيش ليك شكره = زملوا لي رحالن عرفوك ناودي مكره
خايضين للصدور
ماكر جيتنا ساير ليلك كله تسري =دمرت البشائر وأتعوضنا حسرة
وتيارك يفور
كلما تشوف زاعـة عليها أخدت كسرة = تنهض لي صراعـه كاتل ليك مسره
حكمك كله جور
تربالي وزباينة ببكو العرق الشرة = ربيت الغباين خورك ليه كره
أصلك ما بتشور
ظلمك جبته باين تهجم كِره كِره = تخلع للمباين إتلقوك بره
زي يوم النشور
الكاسحة والمنجرة = خافت من أمورك بالمنعت الدره
ما بتدور أجر
حايرين في جنايتك والادهى وأمر = التيراب تلاشى وإنعـدم بالمرة
ما بنفع عذر
كسرت الطواري البيك سوقها حره = غفروا ليك سواري إنت قاصع الجره
محمر في الخدور
حليل شحن اللواري من الشبكة أم غره = وأصوات البواري والخشب المغره
وميلان الحدور
هددت الدواب لي درجة الدرة = حكمك ديكتاتوري في الكون كله شره
ما بحبسوك كجور
غايته بلغت غايتك بالارادة الحرة = وين يا نيل عنايتك مزارعيك فره
كايس للصبر ***

المناسبة فيضان النيل 1946م حيث دمر المنازل والمزارع بالعيلفون .

الشيخ فرح

08-07-2007, 11:09 PM

أوصف خدوده
الشاعر / الجاغريو
غنـاء الراحل / خلف الله حمـد بدر
****

أوصف خدوده = ولا أصف عيونة
مهما اصف محاسنه = أحتار في فنونة
***
محاسنه غريبة = في دنيانا مافي
الصيد لو يوالف = محبوب قلبي جافي
يغزاك بي هواه = ويبخل بي دواه
ومهما صد نافر = ما بعشق سواه
لو أسفر جبينه = وغنت مطربينه
كل شئ في الطبيعة = تلقاه دونه
***
البان ما بمثل = لونه وإنقسامه
والأزهار تغير = من عطره وإبتسامه
ده الحير عقولنا = وقصر فيه قولنا
معدوم في مثاله = بين حسنهوخصاله
لابس توب عفافه = وفي سويداي سكونه
***
بسمت ليالي العيد = في بسمتك عيدي
ما بخشى فيك وعيد = أيام هناي عيدي
آهـ لو سمرنا يعـود = ويزيد سعـودنا سعـود
وهِناك يا عزال = زي ما تكونوا كونوا

***
( أو زي ما تقولوا قولوا )

الشيخ فرح

09-07-2007, 10:09 PM

حائر في هواك
الشاعر / الجاغريو
غناء الفنان الراحل / خلف الله حمد بدر
***********

حائر في هواك هائم = إنت راتع في خباك نائم
***
في بحور الغرام عائم = أنا العلي نظرتك صائم
************* = **************
***
حبيبي وغايتي الأسمى = ساحر قلبي بي بسمة
حين ما أذكر الأسماء = عواطفي تجيني مبتسمة
***
*********** =************
لو شاهد بهاك قبل = عنتر كان ترك عبلة
***
مهما تبتعد نافر = لذنبك يا حبيب غافر
أتوه في حسنك الوافر = ومنك أرحم الكافر
****

ملحوظة ..العلامـة
*************= ***********
بيوت محجوبة لخلل في صياغتها الخبأ = دار المحبوبة

الأمير الساخر

10-07-2007, 08:55 AM

الشيخ فرح

10-07-2007, 10:15 AM

جمال يوسف عليك دائم ليه لي العـزول لائـم
جسمي النحيـل مُبلـي صرت عبادتي والقبلـة
.................................................. ..........................
الكلمات جميله ياشيخ فرح وتشكر عليها بس المعذرة أنا معترض على
نقلك للبيتين ديل وأظن ياشيخ فرح إن لو الشاعر أخطأ في مدح محبوبته
وتغزله بيها فعذره نلقاه ليهو بضعف الإدراك الديني في زمنه لكن الخطأ
حاليا ومن إنسان بحترم جدا تفكيره ومشاركاته زيك فدي حاجه زعلتني والله.
وياريت بس ياأخوي الحبيب تراجع الموضوع مرة تانيه.
وقبل كده الشيخ عبدالحميد كشك رحمه الله تعالى أنكر وشجب بشده أغنية البعبدها
لترباس ,,,,,, فما بنجي أنحنا نعيد الخطأ مرة تانيه.
مشكووووووور ياشيخ فرح على مشاركتك وأرجو تتقبل ملاحظتي بصدر رحب.
ولك مني أخي الحبيب وللجميع أجمل التحايا.

ولا يهمك انا فعلا ترددت في نقلهما ووقفت مسافة لكن قلت انقل كلام الشاعر لانني ناقله من نسخة أصلية قديمة
سأتصرف وارجع للقصيدة بعد التعديل ...
****
ذكرتني بكلامك هذا أغنية و البادية ( أحلى الكلام لغة العيون ) وكان للشيخ كشك طيب الله ثراه قال لافضل أن يقول ( أحلى الكلام كلام الله )
***
وذكرتني قول الشاعر .... ( كأنها خلقوها زي ما تريد ) وهنا قامت ضجة إعلامية كبيرة ووصلت إلى لجنة النصوص ووزارة الثقافة والاعلام
وكونت لجنة لمحاسبة الشاعر .... ولكنه بكل هدؤ وثقة قال ليهم أنتو فهمتوا البيت كويس وراجعتوا ثقافتكم وما سمعتوا بي ملكة جمال العالم الكان اسمها ( مادريد Madreed )
والناس كانت تنطقها ما تريد وغيروا المعنى ....

وبصدر رحب طبعا قبلت توجيهك وتصحيحك وأنا أشكرك لمتابعتك الدقيقة ... ومرحب بيك ...

genkez

10-07-2007, 04:40 PM

ا الفى سماك مفصول تنشاف عيان وبيان

ماعرفنا ليك وصول وما دنيت احيان

انت الخطاك اصول يعلم الديان

مثلت فينا فصول ما بدرسا النسيان

مشكووووووره بقعه
وتقبلي مروري
ودمتي

genkez

10-07-2007, 04:42 PM

ولا يهمك انا فعلا ترددت في نقلهما ووقفت مسافة لكن قلت انقل كلام الشاعر لانني ناقله من نسخة أصلية قديمة
سأتصرف وارجع للقصيدة بعد التعديل ...
****
ذكرتني بكلامك هذا أغنية و البادية ( أحلى الكلام لغة العيون ) وكان للشيخ كشك طيب الله ثراه قال لافضل أن يقول ( أحلى الكلام كلام الله )
***
وذكرتني قول الشاعر .... ( كأنها خلقوها زي ما تريد ) وهنا قامت ضجة إعلامية كبيرة ووصلت إلى لجنة النصوص ووزارة الثقافة والاعلام
وكونت لجنة لمحاسبة الشاعر .... ولكنه بكل هدؤ وثقة قال ليهم أنتو فهمتوا البيت كويس وراجعتوا ثقافتكم وما سمعتوا بي ملكة جمال العالم الكان اسمها ( مادريد Madreed )
والناس كانت تنطقها ما تريد وغيروا المعنى ....

وبصدر رحب طبعا قبلت توجيهك وتصحيحك وأنا أشكرك لمتابعتك الدقيقة ... ومرحب بيك ...

الشيخ فرح الامير الساخر
شكرا علي المعلومات الما مقصوده منكم دي
جات بالغلط شكلها
لكنها تفيد القراء
ودايما امير يا امير
ودمتم

اليورو

10-07-2007, 04:47 PM

تزود للذى لابد منه فإن الموت ميقات العباد

و تب مما جنيت و أنت حى وكن متنبها قبل الرقاد

ستندم إن رحلت بغير زاد ٍ و تشقى إذ يناديك المنادِ

أترضى أن تكون رفيق قوم لهم زادٌ وأنت بغير زاد

genkez

10-07-2007, 04:53 PM

الأمير الساخر

10-07-2007, 08:37 PM

أخي الكريم الشيخ الشيخ فرح رعاك وحفظك أينما كنت وبأي أرض حللت.
لا أملك بعد ماذكرت من طيب إلا أن أشكرك من كل قلبي على رجاحة عقلك
وخلقك الرفيع ,,,,,,,, واعذرني إن لم تسعفني كلماتي وخانتني الحروف
فلم أستطع أن أرد على جمال قولك وحسن صنيعك بما هما أهل له.
ولا عدمناك أبدا,,, وجعلني الله تعالى وإياك ممن يسمعون القول فيتبعون
أحسنه وجميع أحبتنا وإخواننا.
ولك مني من التحايا أكرمها وأروعها.

الأمير الساخر

10-07-2007, 08:43 PM

أخي جنكيز أشكرك على ماذكرتني به من خير
وأقول صدقا أن من يستحق الثناء هو ذلك النجم
الذي أرهقني بمحاولتي تتبع خطواته الكريمه إن
من يستحق الثناء هو ذلك الرائع الذي لايرى بتراجعه
عن خطئه عيبا ,,, إن من يستحق أن نقف له جميعا إحتراما
وإكبارا لحسن وجميل خلقه هو
أخي الحبيب الشـــــــــــــــــــيخ فـــــــــــــــــرح.
فلك مني وله أخي الكريم جنكيز أجمل التحايا.

الشيخ فرح

10-07-2007, 11:43 PM

اخي الامير الساخر يقصر لساني ويعجز بناني لشكركم وثناءكم لي ..دمت يا غالي
***
الاخ اليورو مشكور على المرور وعلى الاهداء الرائع .***
مرحبات الأخ جنكيز نورت البوست ونتوقع مشاركاتك معنا ...
[

الشيخ فرح

11-07-2007, 12:36 AM

السادة ألميني
الشاعر / الجاغريو
غناء الفنان الراحل / أحمد المصطفى
الفنان الراحل / خلف الله حمد بدر ****

يالسادة ألميني = عن ريده كلميني
يالسادة بكل صراح = من نظرتك أنا عقلي راح
فيك بعشق الانشراح شفى قلبي بعد الجراح
***
شادن ربيب البطر = في فؤادي ريده إنسطر
أغراه صوت الوتر = يا حبيب بقيت في خطر
***
يا سميري شوف صقلته = مع فدعته ونقلته
في الوقفة شوف وقلته = وأحذر سهام مقلته
***
غاب العزول المريب = يا حبيبي جيتك قريب
من قبل ما ننطرب = حصل الشعور الغريب
***
يا حبيبي الفؤاد حرق = قوماك ليل ننسرق
نكشف الطريق بالبرق = تاني لحظه ما بنفترق
***
بسمت زهور الرمال = مزحت تسيم الشمال
إتنى بصديره مال = يا جميل يا رمز الجمال
****

المعاني :-
السادة :- الفتاة التي بدون شلوخ .
صقلته :- القوام المصقول .
الفدعـة : الإنثاءة.
النقلة :- حركة القدم في الرقص .
الوقلة :- النظر بتحدي وجبره .
مقلته :- العين .

الشيخ فرح

11-07-2007, 10:06 PM

~®§§][][ كل شئ يا حبيب جميل ][][§§®~
الشاعر / أحمد محمد الشيخ ( الجاغريو )
الفنان الراحل / خلف الله حمد بدر
*********

كل شئ يا حبيب جميل = لو قليبك يحن يميل
***
لو سفر خدك الوسيم = يزدري الزهر في الخميل
لو يميل غصنك الرشيق = تلقى حوله القلوب تميل
***
زاهي ما أحلى بسمتك = وفي الجمال عالية قسمتك
لو تزور المريض عليل = بشفى من دون طبيب دليل
روحه تشتاق تزور خباك = لو قليبك يلين يميل
***
بلبل الروض إحتمل = قول له مني الصبر كمل
لو بسم بسمه الرضا = يطرب الزهر والندى
أن جفاك أوع تزعجه = وأحذر أسهام دواعجه
عنده ردد قصائدي = وغنى الحاني يا زميل
***
الغرام فيه الوان مجددة = وليه أجيال محددة
فيه جنات من النعيم = وفيه نيران من الندى
تلقى رقة عواطفه = لابسه توب المعانده
يا حبيب روحي يا وديع = نظرتك تفتن الرضيع
مني ذكراك محال بضيع = بس قليبك يلين يميل
****

المعنى
سفر : في السفور أي إنكشف الغطاء عن الوجه.
الدواعج :- العيون المكحولة.
توب المعاندة :- أي النفور .

اليورو

12-07-2007, 10:15 AM

الأخ الحبيب القريب النسيب الشيخ فرح

يا شــــــــاعر " الدواعـــج " و " الفراش الحائر " سلمت
ومووووفق يا دار ثقافة ومعرفة
تعجبني في توثيقك بمواثيقك لك ما هو جميل بي نفسك وريقك
ومشكور على الترجمة الفورية " على الشريط " شرح المعاني ههههههههه
ربي يحفظك من كل سوء وبلاء ومن عين الحسود وبالأخص العين الحمرا وشرارا

اليورو

12-07-2007, 11:46 AM

http://www.banknotes.com/SD16.JPG

هدية بسيطه ليكم
بقعة ضوء والشيخ فرح
احييكم على الموضوع
وحقيقة اكثر من رائع
والف شكر ليكم
واجتهاد مقدر
اتمنى ما تحرمونا من هذا الابداع
والروعه
لكم كل التقدير والتحايا

نفسي ومناااااااااااااااي أموت وأحيااااا
ومستعد لي دفع راتب الشهر القادم وبي بدلاته كمان يا شيخ فرح

نفسي نفسي بس أعرف حاااااااااااافية جابت الطرادات دي من وين
ونميري بي عمته المتل عمة الشيخ فرح كمان
حافية نزليها في مزاد وانا مستعد لدفع السعر الأعلى[/frame]

الشيخ فرح

12-07-2007, 03:25 PM

اليورو مشكوووور على التعليق ....

حااااااااااااافية مشكووووووورة على الاهداء هدية من إيدك مقبولة يا حاااااافية معليش جات متأخرة ما لاحظت ليها .

رائعئن والله ...

الشيخ فرح

12-07-2007, 03:46 PM

غرام قيس
الشاعر / احمد محمد الشيخ الجاغريو
غناء الفنان الراحل / خلف الله حمـد بدر

********

إيه غرام قيس لغرامي = وإيه جمال ليلى لجماله
***
برعى بهواه دون مرامي = ليه تقديري وأحترامي
هو الحبيب يا عوازلي روحو = روحي في الطيف تناجي روحه
في سويداي سهمه رامي = جافي مانعني من وصاله
***
في أنيني وطول سنيني وأيامي = بالي ولهان دمعي برهان عن هيامي
في حراكي وسكوني وهيامي = ديمه في صحايا ومنامي
ما بشاهد غير خياله
***
السبانا قامته بانا = وخصره ضامر
خده ساده دون قصاده = ناهي آمر
من خلافه لي سلافه = لي مسامر
قلبي مجروح بفدا بالروح = بل أغامر
بحياتي في هواه ضعت ماله
*****

الشيخ فرح

14-07-2007, 12:12 AM

الغواني البارع جمالة
للشاعر / ود الرضي
لم تلحن ولم تغنى ******

الغواني البارع جمالة = أم غصون الهبهب أمالة
***
مالي أرى العالم ثمالة = والبدور مزدهرة بكمالة
الخلائق اليوم فرحى ماله = يبقى بت السماء سدّوا ماله
***
هل دي حور الجنة وزلالة = حافلة بي رضوانه وبلاله
أم دي حفلة طاهر السلالة = في وداعة الحي ذو الجلالة
***
شوف وجوه الخير المهالة = هاتفة بالترحاب بإنزهاله
بأهلة أيدي الكرم إنبهاله = عاطفة عطف الام جُهاله
***
شفت في الفتيان البساله = وفي الشباب الحيا والأساله
من ذوايبا ما هن نساله = النسيم يأتيك بي رساله
***
شفت شفت النُحُل الكحالة = والمعاطف الرُّنع وحاله
والخدود الليل إنمحى له = شُفت بدر السماء إستحى له
***
شفُت فيهن ظبية تلاله = إنجلت والكون إنجلى له
قمره طلعت في بيت حلاله = والخير موشح تاجه وهِلاله
***
المُهـاة الرُّنح كساله = رف نور الهيبات كسى له
حال تمخول دارس الرساله = عن صلاته إتلاهى ونسى له
****
السلام لي توتي ورجاله = الزُّملا يا نعيمة الزماله
الخريده المورث كماله = جاهلة حالنا وتجهل جماله
****

الهبهب : النسيم
بت السماء : القمره عند العامة القمر
ذواييا : جمع ذوب ، خصله
الخريد :- الدرة اليتمية .

للأمانة حذفت من البيت الثالث الملائكة ووضعت من عندي ( الخلائق ) ..

الشيخ فرح

14-07-2007, 10:21 PM

الزاهر الفتان
الشاعر / ود الرضي ********

الزّاهر الفتان
يا زميلي أزاي أنا صبري ولّى وبان
****
جن درر الخزن وإصطفن الحبّان = كانو شوادي أدباء وأظرف الشبان
جات في الحفلة ترفل زهرة الابان = قلبي الكان صميم اليوم رأينه جبان
***
باصري القومة قومي ودرّجي الواحل = ليني وأنعجني طبقي الناحل
حاكي الموج في حين ما يأتي متراحل = أرخي الهُدب غطي أشعـة الكاحل
***
ديروا له اللثام خلّوها مكشوفة = ورّونا الجّمال وين تاني بنشوفه
تتلصف الجّواهر من تحت شوفه = عيون الحاسدين إن شاء الله ما تشوفه
***
أجلاه البدر ليل شعرها المسدول = والحُلي والخدود ما بندري دول من دول
إنتنت المعاصم الناعمة كالمجدول = سجد فوق الكتيف متطامن المهدول
***
نتشابى ونتوق لي شوفة الزّوار = ومن باقة محاسنه بقّت الانوار
يا ريس الشوادي لا تطول الادوار = وفي الدّور الخفيف قصّر لها المشوار
***
رقرقة النواعس الصافية من أدناس = دي ما أظن البراها الناس يراهم ناس
نصح جبينه طيب من أطيب الأجناس
***

الشيخ فرح

16-07-2007, 09:48 PM

ست البيت
الشاعر / ود الرضي
]**************

ست البيت بريده براها = ترتاح روحي كل ما أطراها
***
قالت جارته مجاوراها = تجي شايلة وتجي مزاوراها
تلحظ إحتياجنا براها = ونشكر سعيها بوزاها
مما ربّنا أنشاها = ما بات بي غيبنه حشاها
حاشي الريبة ما بتغشـاها = ما قالوا له (بِس ) حاشاها
ربّنا بالجّمال كافاها = لمن قال قوامه كفاها
المسرورة مِي تفّاهه = يا حلاة الكلام في فاها
***
أبدا ما بري له طريدة = كل الفي جواره بريده
هي الفي فؤادي فريده = كمان العلمتني أريده
***
ليه ما أشكره مطاوعاني = حافظة مُتعتي وحافظاني
حاويه من الانوثه معاني = مهما أبقى مّر بالعاني
***
ما بتحسب علي كُليه = وتكرم كل منسوب ليّ
أشفق من جناي عليّ = وأطوع من بنانب إليّ
***
لو كان يوم حبيب واصل لي = الكريم العريض يوصل لي
منها خِلاف فقط ما حصل لي = غير لاخماني بي ( قوم صلي )
***
مي شهايه مي طمّاعة = لي قول قالوا مي سمّاعة
لو كان يوم شكيت يا جماعه = بي عرض العشيون دمّاعه
***
إذا صابحتها وماسيته = طاعمه وناعمه إن مسّيته
ما قلستني ما قاسيته = تشكر فضلي كُل ما كسيته
***
حشمة سكوتة من ميلاده = مُو سُكاتا تنوبه بلاده
نُضّاف ومنظمين أولاده = دايما عندي حلوه جلاده
***
تتلاطف سرور وجناته = الرّفّـايه الكُتـار حسناته
طيبه عُشره مي غالاته = ما سابت الشّباب لبناته
***
ما قالت بقيت حبوبه = وتركت بُوخـته المحبوبه
لو جاتك من رياحه هبوبه = تحي عِرُوقك المحبوبه
***
مي العزّايه دايما سادّه = مي الغبشه المغبره حادّه
مي اللهافنه بي وراء المادة = أل للبوخـه دِيمه مِوادّه

***

الشيخ فرح

17-07-2007, 11:39 PM

تيهي فوق العِز والنّفل
للشاعر / ود الرضي
لم تلحن أو تغنى
*******
تيهي فوق العِز والّنفل = ليلي قول حُسّادك أفل
***
ليلي ليلة وليلك سدل = فيك عليل الصّبا معتدل
النجم ببهاك ليلي دل = والفهيم بالأية إستدل
***
ليلي قدرك ما إنجهل = = ليلي سعدك هدا شهره هل
بالسرور كل وجه إستهل = والجميع لله إبتهل
***
فيكي كل الخير إنبهل = والعفاف المزجز الجّهل
بالطرب كل عقل إنزهل = المهل يا ليلي المهل
***
فيك شوادي إزدروا بالهدل = فيك هزّ البهلول قدل
جوري تيها جورك عدل = أنا لا أروم عن جورك بدل
***
المبطر مال وإعتدل = والمرجوج طاوي البدل
جندل الفِرسان أب جدل = ولا عليه إتبختر قدل
***
ماح رتل فوق هيبة ونفل = خَـرّ بدره وطمح الكفل
يالمنير التّام ما أفل = إستقل ورفت الحِفل
***
جرّ توب الهيبة الرّفل = زان لجمع الجيل الحفل
شعره ريش هضليما جفل = فِكري عن تصويره إنقفل
***
المدلل مهما فعل = والخدود النّورن شعل
والجبين الجّافي الزّعل = يا سعـادة الأم والبعل
***
اللدانة وقول الوحل = والوطيف الحبكة الكحل
ورّى كيف الغيم الرّحل = يا الخريف العقب المحل
****

الشيخ فرح

19-07-2007, 03:25 PM

تسبي اللبيب
للشاعر / ود الرضي

لم تجد حظها في الساحة الفنية *****

تسبي اللبيب بعواطفه = اللدنة ناعمـة معاطفة
زهرة عِطور ما ألطفـه = يا رب حلالاَ أقطفـه
***
ترّت بدر حاجبين هلال = شعـرا كسى الأكتاف جلال
مكسية بي هيبة وجلال = نغماتك التاويات قُلال
***
نظراته تمزجـه بابتسام = والأنف مصقول كالحُسام
جمل الجمال تحت اللثام = كالبدر ليلة الانقسام
***
بيضاء تزدري بالزهـر = بخدود جواهر في نهـور
وبرقـة الماء الطّهُـور = زُج الجواجب كالشهـور
***
أحور أدعج آماقه سُود = ببريقو يفترس الاسـود
بي جيده للأسياد تسود = يا ربي كيف عين الحسود
***
كلُجينة سايحـة معـاصمـة = روحـك تسـوح لو باسمـه
رمَاش عيونه مكاسمه = أيمانه عافّها عاصمه
***
نسّام صباها يداعبـه = بي جيده قُم كواعبـه
نيرانـه بي متلاعبه = راضين نداري متـاعبه
***
مطروح جبين خاتي الزّعـل = لو شافه راهب إنفعـل
سطع الكواكب نور شعـل = دا حرام تكون من دون بعـل ***

جمل الجمال = جمع المحاسن .
زُج الحواجب = جمع أزج والأزج الرقيق الطويل.
لُجينة : اللجين الفضـة .

الشيخ فرح

21-07-2007, 10:57 PM

طيف خيالك
الشاعر ود الرضي
******

طيف خيالك بي قد ألم = يا حبيبي وزاد الألم
***
ذكرني زينة الملم = الل كان لي قلبي إستلم
في منام عيني إنظلم = شِن أسوي المحبوب ظلم
***
المحدق حلّو النّغم = الطبيب البشفي السّقم
يوم فراقو اليوم الأغـم = على صار نور الدنيا غمّ
***
النغيم الزّي القسم = والقوام إن رقـد إنقسم
لو تمشّت جلّ الرّسم = أعمل أيه القسّام قسم
***
يا أطبّا ما بي وهـم = ماني حامل للدنيا هم
ماني فاقد بس متّهم = فقدي فقد الرّوح الأهـم
***
العفاف الما إتهم = المبطّر ما إنقهـم
صابني مِن قُوسينو السّهـم = صِرت أجهل حتى السّهـم
***
وجنتيه البدر الأتم = مقُلتيه الفُل والكتم
بسمو برق الليل العتـم = كُلو حُلو إن قال وإن كتـم
***
أبهـاتو رجال العشـم = ثابتين كالجّبل الأشم
أُمهاتو مِثال الحشم = دُوب ما بقـت ريحانه للشم
***
ما بهم من جِلل دهـم = مهما خَطبنا كان مُدلهـم
ليت بعض البي إنفهـم = ألقى لي مِن فاقـد فهـم
***

القسم :- جمع قسمة والقسمة وزن من الذهب .
السهـم :- جمع سهمه ... الاتجاه .
الكت : نبت

الشيخ فرح

23-07-2007, 11:01 PM

مرة مرة
الشاعر / ود الرضي
لم تجد حظها في الساحة الفنية

******

مرّة مرّة يا نسيم السحر = هب ليّ من شاطي البحر
طوف الخِـبا وجيب ليّ مِن = أم دُر عبير ذاك النّحـر
***
مثلت غرقان البحر = أنقذني وأبرد عني حر
أندُب زماني الانسحر = وأرحم فؤادي الانتحر
***
هجر الحبيب زادني وفر = هجر المنام عيني طفر
أتأمل البدر إن سفر = وأفضل أسامر بدل نفر
***
خلاي إن بسم الثغـر = في جوفي أولع نار صقر
شخص الكمال فيها إستقر = كل غانية منها في بقر
***
هيئة غُصن حامل قمر = زاهر محلية الثمر
النور تجزّا زُمـر زًمـر = كل زول على شئ ضمر
***
يا سعـد بدر الجّيل ظهـر = دُرّة عِقـد جيـد الدّهـر
جامع الزّهـور جامع الزّهـر = البدر َوله إتنين شهتر
***
ما نظم شـاعر أو نثر = ليك ماش على أثر الأثر
القال بصف حُسنِـك جسر = في جيدك الطّايل كُسـر
****
برز الجّمال المنتصـر = ملا كُل عيون كال كُل بصر
بي جَبرة للعالم بصـر = والجّيل على بعضـه إنعصـر
***
رجب إنتهى وأقبل صَفَـر = وأصبح مُهـدّد بالسفـر
خلاي سيل عيني دفر = قلبي الحنين فرّ وطفـر
***
نام الخِلوق والليل حَكَـر = ما صاحي إلا من ذكـر
سامر سجيع قُمـري الوكـر = هيّجتـي يا قِميـرية كَـر
***
يا دنيا عنوانك صدر = معلم سرورك ما ندر
نعم العـبد طـوّع القـدر = فـرّاقـه يا دار الكـدر ***

الشيخ فرح

24-07-2007, 09:02 PM

قفا بنا
للشاعر / ود الرضي

****

قِفا بنا يا صاحبي لننظرا = بذا المخصّب ربربا وجآزرا
أهلا وسهلاّ مرحباّ يا حبـّذا = بالغـانيات المترفات الفُترا
النّاعسات الفاتكات إذا رنن = سددن أقواساّ بغير توترا
حلفن كما عقد تبنّت فصله = دُرراّ وياقوتاّ ماظا وجوهرا
غُصن تمايس وهو يحمل بازغـاّ = في جوف عاتمةِ وهُرق العنبرا
والغصن من مرّ النسيم تعانقت = عذباته وقد إرتدى بالدّيجرا
ظبي إذا حلّ الرّحاب أراعنا = الطبل رنّ والظبيُّ تبخترا
والشادي يُيله الفِنون وإنّه = ليريه إتقان الفنون بسيطرا
هبطت معاطفه على مُتراكم = وكأنّه قلم يجُرُّ الاسطرا
يمشي كصبب لا تبن خطواته = كسفينة الأستاذ وسط الأبحرا
موج بلا بحر ونوم لا سنا = فأعجب لموج الكاعبات يا من ترى
زمرت سيوف الصّفتين رموزها = ضرباّ وطعنـا للقلوب محيرا
والبشر للجنسين أقبل حافلاّ = والجمع من مُزن السّرور تمطرا
هذا مزين الدّار هذا مَن إذا = ما مال ميّلنا وأفنى ولا دري
هذا المُقلّـد بالدّروع أبرزا = والعين دائرة الحُرُوب ولم ترى
الرّعب حلّ والقلوب رواجـف = الله أكبر إن هذا عنترا
لدن القوام بطئُ القيام لو ادّعـى = خُلُص المحاسن ربّهـنّ لما افترى
يا عبد دُمت والهنـاءُ يحُـفّك = ما أمسى ليل أو صباح أسفرا
والنعـمـة الخضراءُ والجـود والنّدى = والسّـعد ما مرّ النسيم وما سرى

الشيخ فرح

25-07-2007, 11:27 AM

الاخ اليورو أشكرك يا غالي على المتابعـة وعلى التصحيح لا عدمناك

وتم تعديل الخطأ في عبارة ( إذا رنن ) مشكور للتذكير ومرحب بيك في اي وقت

ملحـوظة

الكلمات أعلاها لم ترى حظها في الساحة الفنية وأنا برشح الفنان عصام محمد نور وأهديها له شريطة أن يأخذ الاذن من بن الشاعر / ود الرضي ابنه اسمه الطيب هو الشخص المسئول عن أشاعر والده

ولا ترشيحي ما في محلة

الشيخ فرح

25-07-2007, 11:42 PM

عينة الغيث الهطل
للشاعر / ود الرضي
******
عينة الغيث الهطل = جاب النسيم نيدك سطل
***
يا رابية بين وابل وطل = يا روضة التيه والغزل
حين هلّ بدرك والمطل = الجّد جد والضّد بطل
***
يا ساتر أستر جا الأهـم = وغرقنا في بحر الوهم
القوس ينبل بالسهم = والناس أصابت هم في هم
***
رمّي السنج تحت الحلم = النور سطع ضوّى الظلم
الدُّر تلألأ من علم = فوق النفيس نون والقلم
***
حور الحراير أُمهات = حفّاها عَِز الأبهات
حين ترنو بي مُقل المهاة = خِلنا الجّبابرة آلهات
***
هذا الوصف ما ينخمس = من بعد شكري النلتمس
نور بهجة الزول الأمس = زي المراية على الشمس
***
يات من تقوم تلعب بنا = والّربربة يا حسبنا
رمت الكتيف في اللّنبنى = الجاهلة يحفظه ربّنا
***
لاحن بروق فتحن كنار = كل غانية فيها إتنين فنار
الكون عبق طيباَ ونار = الفاتحة الله يزيدنا نار
***

تاو ياعسل

26-07-2007, 01:09 PM

الكلام ده كان مدفون وبن يا شيخنا وسيب التحيز لناس شرق النيل وياريت الاهليه لود الرضى

بقعة ضوء

28-07-2007, 08:24 PM

الشيخ ود تكتوك
اليورو
واخيرا والحلو للآخر حافية
مروركم يسعدني
وكلماتكم اطربتني
ومشكورييييييييين
بس ياريت تشاركونا
بالبحث عن الاغاني الخفية كما يفعل شيخنا الهمام
ودمتم

القيصـــر

07-08-2007, 01:04 PM

اختى بقعة

موضوع جميل ورائع

اتمنى ان تتحفونا بالروائع

ومشكورة اختى واشكر شيخنا وكل المتداخلين

الشيخ فرح

07-08-2007, 04:37 PM

الكلام ده كان مدفون وبن يا شيخنا وسيب التحيز لناس شرق النيل وياريت الاهليه لود الرضى

تاااااااااااااو يا عسل إن شاء الله في القريب أنتقل لشعراء غير الشرق وشعارء الوسط كما يطلقون عليهم
دعني اكمل الكتاب الذي بحوذتي وانزل لكم غيره لانني حاليا بعدي عن المكاتب السودانية ، كما تعلم والمكاتب في الدولة المقيم فيها للأسف تخلوا من الكتب السودانية من هذا النوع بالذات من المؤلفات

مشكور لإهتمامك وأسعدني مرورك

الشيخ فرح

12-08-2007, 12:09 AM

داير أشوفك
للشاعر / ود الرضي
****

داير أشوفك لمحـة = قبل أموت ياسمحـة
عيني جافية النّوم
***
قومي يالمتنيّة = تمّمي الأمنية
رقصـتك فنيّـه = شئ عجيب لليوم
***
قامت المنتبره = لونه صافي التّبره
سالمة مِن غير تبره = لو كَسن الإبره
شئ عجيب لليوم
***
قودي يالمنحلّة = إنت زينة الحُلة
أنت نور الحِلة = شئ عجيب يالفُـله
شئ عجيب لليوم
***
ياالوضيبة يقوده = القلوب مفقـودة
بالله يالقري قوده = ورّى كيف القُوده
شئ عجيب لليوم
****
عرجينه الطايل = شَعره عاتم وهايل
العلي مُو زايل = خاتني قول القائل
شئ عجيب لليوم
***
مهما كان تخفيه = الجّبين لصفيه
المزموم فيه =والجواهر فيه
شئ عجيب لليوم
***
نسفي التسريحـه = المعطرة ريحـه
كلمة أقوله صريحـه = ما بتداوي جريحه
شئ عجيب لليوم
***
العيونك ساهيه = القلوب ليك شاهيه
عرجنيها الباهيه = والنروح في داهيه
شئ عجيب لليوم
***
تاني ما بنتعزّه = علي البنات يا عزّه
الخليفة إهتزّ = سلّ سيفه وهزّ
شئ عجيب لليوم
*******

الشيخ فرح

12-08-2007, 09:13 PM

نور جناني
للشاعر / ود الرضي
لم تجد حظها في الساحة الفنية
*********************************

نور جناني وقبلت حناني = يا جواهر عِقد القصيد
***
بغيتي إن لم تعلماني = هاك شرحي وهاك فيرماني
ديما ساكب دمعاً عماني = كيف أصنع كيف علّماني
يا أمان روعـي وخير زماني = هل أراك لو أمدا بعـيد
***
يا خلاصة حسن المعاني = راعي راعي الألم الكساني
أنتحب ما ليلاً مساني = والمعاني الفيك مؤنساني
أشكو حالي وأشكر لساني = لي بشكرك يبدي ويعيد
***
فاق حنان الأمات حناني = ليك وبل من غيرك غناني
يوت مفكر وعاضض بناني =حتى أنكر حالي الدّناني
يا حبيبنا حبّك سباني = لو أموت في حبّك شهيد
***
الوجيع والمخلص نباني = مالو لو تكريمك حباني
أربح أجري نظرة أو هباني = أمسي والأزمات ناهباني
لو تكون الويل لاهباني = يبقى عهـدي ويبلو الحديد
***
تسري روحي لتلك المباني = وحالي أصبح حال اللباني
اللبين إيدي تاه غِباني = يا بديع الحُسن السّباني
لو تعطّف طيفك سباني = كنت ألبس عُمراً جديد
***
بالتخلق كذب الوشاني = والتّملق أنا ماهو شأني
لا لا ... لا لا وحق من نشاني = لو مخالب البين ناهشاني
لو تنازل شرفك غِشاني = يوم دا يوماً إعتاده عِيد
***
ياطبيب شكواي يا عواني = من لهيب الشّوق الشواني
البيروي الناس ما رواني = إرتضيت في حبك هواني
لو تخلد عمري الثواني = ما بزحزح عهـدي الوطيد
***
كان خيالك مرّة إصطفاني = شفّني وما عاود شفاني
هو الحبيب مهما جفاني =ياحبيبنا فيك عمري فاني
لا أقول من نازك كفاني = بل أقول ... هل من مزيد ؟
***
مالو فر قلبي وبصري راني = وليّ لايح نور أخضراني
يبقـى بسم المحبوب طراني = يبقى ذكر السّبب العراني
يبقى حسّب وأمل يراني = الله قادر يدني البعيـد
***
ما بشوف في عصرك طريدك = بالعفاف مدّرع وريدك
زيد في هجري ولا زال أريدك = والله أريدك وحتى التريدك
لا أكون إن لم ليّ ريدك = كل صُبحا صابح يزيد
***
بالترف والتيه إنثمالك = والسكينة الزّانت جمالك
عن تزخرف أدبط حمالك = أين شاعر يوصف كمالك
أو يحصل خُنُصر شِمالك = هل في هذا العالم لبيد

****

الشيخ فرح

24-08-2007, 05:52 PM

الحجروك حبي
الشاعر / أحمد محمد الشيخ الجاغريو
****

الحجروك حبي = وعملوا السبب حُبي
كيف تنزع الصورة = المرسومة في قلبي
***
يا فرحي وهناي = يا بهجتي وطبي
فيك أملى ومُناي = فيك بجيد غُناي
ما بعشق سِواك = وليه مني متخبي
****
أنا لي فيك غاية = هي منيتي وكسبي
من صدك كفايه = وكيف يرضيك جفاي
يالحسنك حواك = بحبك وحات ربي
****
يا نيراني زيدي = يا مهجتي التهبي
أنا صبحي ومساي = في علٌ وعساي
لو في الطيف أراك = يا للي البدور تسبي
****
يا البيك إنتشاي = ولجنك يزيد طربي
لا تهمك أساي = وما تيمع وشاية
حاكمني في ضراك = وريني إيه ذنبي
***
إيه يعني المرايه = مع خدك الذهبي
أنا من دون دراية = اهتف بيك براي
قِدامي ووراي = حبك أعلن حربي
***
يالغصنك ثناك = وكيف من هواك سلبي
فيك واضع ثنايا = وفي لحاظك فنايا
فيك نزلت عناية = جاغريو عُمره مجبي

****

بقعة ضوء

30-08-2007, 07:44 PM

وين الناااااااااااااااااااس
ولا الحقيبة اصبحت خالية
نجيب لينا هاند باك ونحمله بالاغاني السريعة ولا شنو

الشيخ فرح

04-09-2007, 10:26 PM

بقعـة مرحب بيك مرة أخرى وينك شوفي المشاركات حصلت كم عندي

************
مي
للشاعر / ود الرضي

مي حَبّك حِيك سندسنا في السّاح = طالما أتردد فيهو كالمساح
السّحاب يتردم حيّ منّك ساح = خِلت أن الجوهر في الحدائق ساح
والزهـور تتنسم والنسيم كسّاح = مِنو دمعاَ سحّ ومِنو قلباَ ساح

***
مشّ مايقك وخالك وخدك البرشح = مَيّ بيهن غانية عن دلال ووشاح
الجمال البارع والوضيب مو شاح = والعفاف هو دأبك والسكينة وشِاح
****
الصبح يامي في الجبين نضّاح = والبدر ليل تم لي صفاك ما ضاح
مَيّ ديسك يستر والخِديد وضاح = للغضنفر يرعب للحسود فضّاح
****
الوجن تتوقد تجلب الأفراح = من صفاها النادر المجمّر راح
إحوارار النّاعس للقلوب شرّاح = منو صحوة قلبي ومنو كاس الرّاح
****
قلبي ذاب في بهجة هيبتك صدّاح = والمصابيح حالت نورك القدّاح
خِلّي شوف أتمعن حِكمة الفتّاح = في الجلوس تتهدّد في الكِفل ترتاح
****
ليت لي يامي سموك جناح = أين لي يا مي لي زحل إمناح
أرتعش يا مي ما حماما ناح = إن جننت بمي لا عليّ جُناح
***
واثقة جيران دارك حلمك الصفاح = الماثل مجدك الندي الطفّاح
ميّ فحفح قلبي ما النسيم فاح = يا ما دعجك بينو وبين قلبونا كِفاح
***
من صحيح القول هاك قولا صاح = مي لأجلك أكرم كل مؤنثة صاح
ما بطيق تالاك ما بطيع نُصّاح = لي فمّا صامت وليّ جوفا صاح
****

حِيك = من الحياكة والنسيح

الشيخ فرح

22-10-2007, 12:48 AM

سيف الصاقعـة
الشاعر ود الرضي
******

سيف الصاقعـة البرق = أخوك يا السمحـة
قشاش الدموع والعرق = أخوك يا السمحـة
البنشل من الغرق = أخوك يا السمحـة
الماهل خاتي القلق = أخوك يا السمحـة
الماسك دربه انزلق = أخوك يا السمحـة
***
إصطنطوا يا سمّاع = أخوي غيث العشا اللّماح
لي قول قالوا مو سمّاع = يطمع أخوي حاشي مو طمّاع
***
أخوي الجبل الأشم = بيت العزة والعشم
بيت السخا والكرم = البعز الجًار والحزم
أخوك يالسمحـة = إن شاف الضيفان كشم

بقعة ضوء

29-10-2007, 06:38 PM

سلااااااااااااااااااااااااااام
اهلنا الطيبين
رجعنااااااااااااااااالكم
وانشاء الله تلقونا حاملين الجديد
وحتى حينها
الى لقااااااااااااااااااااااااااء

weliz

31-10-2007, 12:16 PM

والله كلام جــــــــــــــميل ربنا يسهل عليكم يا حلوين

الشيخ فرح

31-10-2007, 12:52 PM

مشكووووور على التعليق ، وفي انتظار مشاركاتك

weliz

31-10-2007, 01:33 PM

بالجد كلام جميل وبلادنا الســـــــــــــــــــــــــــــــــــودان اجمل في كل شي

اليورو

04-11-2007, 03:36 PM

شيخ الحقيبة

الحقيبة الطائرة ( في المطار )
يا رب تجي مليانة -- وبي ستها كمان

قول آمــــــــــــــين آمــــــــــــــــــين آمــــــــــــــــــــــــــــــين

بقعة ضوء

02-12-2007, 04:06 PM

اليورو
افرغ حقيبتك المليئة بالابداع
ودعنا نتشاركها واياك
فانا اعرف كم هي مثقلة بالروائع
كما حال الكثيرين من الحناكة

بقعة ضوء

02-12-2007, 04:10 PM

تحياتي لكل من يحمل الكثير من حقيبة بلادي العطرة
وان فاتتنا الكثير من الكلمات فلا يفوتنا ذكر شعراء بلادي
وابداعهم الثر
فالتحية لكل شاعر خط بيراعه جميل كلمات خرجت لنا درر
ما زالت تنير حقيبة الفن من القها وبريقها الاخاذ

نصرالدين1976

19-06-2008, 05:21 PM

يا للررررروعة هذا الموضوع .....حقيقة انا من محبي غناء الحقيبة بما يحمله من وصف وجمال....

واكيد حشارك ..بكمية من المواضيع

وفي الاول سلامي للجميع:17:

تاو ياعسل

22-06-2008, 10:11 PM

السلام عليكم ورحمه الله تعالى وبركاته
انتا جيتنى فى الصميم تحيه كبيرة ليك وانا تحت الخدمه

بقعة ضوء

31-07-2008, 07:46 PM

حبايبنا

وحشتونا

الشريف

06-08-2008, 06:35 PM

حاول يخفي نفسو
هل يخفى القمر في سماو
طبعا لا ولكن لا شفناو شفناو
حاول يخفى نفسو وغير في مشيهو
التحية ليك يا بقعة يا اصيلة

تاو ياعسل

08-08-2008, 06:26 PM

سلام
وانا كمان عندى ليكم الكتير والكتير وبالمناسبه ياشيخ فرح ود الرضى عشان من حتتكم بديت بيهو ولاشنو ههههه
لي في المسالمة غزال
كلمات/ عبدالرحمن الريح

لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينه ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو

الشريف

09-08-2008, 12:17 PM

سلام
وانا كمان عندى ليكم الكتير والكتير وبالمناسبه ياشيخ فرح ود الرضى عشان من حتتكم بديت بيهو ولاشنو ههههه
لي في المسالمة غزال
كلمات/ عبدالرحمن الريح
لي في المسالمة غزال .. نافر بغني عليهو
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وان شافو القمر أنوارو تخجل ليهو
ان جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافو قال انا بالنفس افديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينه ذي ايديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو
الله عليك يا عسل
يلا في انتظارك اتحفنا ومشكور اختيار جميل :30:

تاو ياعسل

10-08-2008, 11:57 AM

تسلم ياشريف ومشكور على المرور ودى عشانك
يا جوهر صدر المحافل= روحي معاك اتلطفيا
ما النور الفي حليلو رافل= في حق نهدو قلوبنا قافل
ما الظبي الفي مقلو غافل= تاره يميل والتانية جافل
وجهو ينور والبدر آفل= فوق للبدر يزيد نفيلا
بالنور خدك لاح مقابل= للشعر الطال ليلو سادل
سهم ألحاظك لي نابل= بكل شي دون هجري قابل
ينسب نوحي على البلابل= وانتي القمرة بتنسبيلا
ليك جوز عينين نعسات وكاحل= وخصرا يميل وصدر راحل
ولى وجدي اللي جسمي ناحل= بحر الشوق ماليه ساحل
بيني وبين النوم مراحل= وين للطيف أنا القى حيلا
الفرع البتنى راتل= طيرو ينوح في غصونه خاتل
يهوى نسيم لي فكري شاتل= والأسد الفي القيد يناتل
بتأكد ماليهو قاتل= غير مكحول ظبي النتيلا
ضاوي سناك لي برقة راسل= لاح بين عنابتين عواسل
صدرك يرجع وكتفو حاتل= رنا طرفك للسيف يماثل
ليها يجندل كل باسل= وساحبة دغس وخدود أسيلا
يا المرنوع لي كتفو هادل= في دروعه ولى معاصمه جادل
أنا ساهد والليل سادل= شرط الحاكم يبقى عادل
لا أقبل بهواك مبادل= كف أعشق و أرضي البديا
تمنع طيفك ليَ يغازل= داخل قلبي أنا ليك منازل
يا لايم لا تبقى هازل= أنا في الحب لروحي باذل
هل عاشق يسمح لعازل= خلي نصيحتك عني زيلا
يوقد جمري ودمعي باهل= كيف نار تشعل في مناهل
ضاق بيَ الكون مع انه ماهل= نومي تصعب ووجدي ساهل
لو بي حالة سهري جاهل= دي الانجم فأسأل سهيلا
لي طيفك ما لقيت وسائل= غير بسط النسمات رسائل
أغرب شيء و أعجب مسائل= حلم الصاحي ودمعة سايل
او شكيت في أمري سائل= البدرين كونك مثيلا
زائد شوقي ودمعي هامل= جمر الحب لي جسمي شامل
حتى الطيف ليَ لا يجامل= مع كلا ما كنت آمل
دم تحنن بي الأنامل= وهل يرضيك كده يا جميلا

الشريف

12-08-2008, 12:32 PM

تسلم ياشريف ومشكور على المرور ودى عشانك
يا جوهر صدر المحافل= روحي معاك اتلطفيا
ما النور الفي حليلو رافل= في حق نهدو قلوبنا قافل
ما الظبي الفي مقلو غافل= تاره يميل والتانية جافل
زائد شوقي ودمعي هامل= جمر الحب لي جسمي شامل
حتى الطيف ليَ لا يجامل= مع كلا ما كنت آمل
دم تحنن بي الأنامل= وهل يرضيك كده يا جميلا
يا سلام عليك يا عسل واكيد ما حا يرضيهو كدا الجميل والحلو والدم الشربات مكملو
وفي حاجة عاجباني لو لقيتا عندك اكون شاكر ومقدر وهي
كيف الحياة غير ليمك ومن بعدك اصبح حظي زي لون هضليمك يا (الحلوة) نعيم الدنيا
حبيبي هوي وانعش لي روحي من ند جسيمك ومن طيب المسك الفايح من تبسيمك يا نعيم الدنيا

تاو ياعسل

12-08-2008, 09:15 PM

انتا تأمر ونحنا ننفذ
عبد العزيز محمد داؤد

كيف الحياة غير ليمك فى بعدك اصبح حظى زى لون هضليمك يانعيم الدنيا
ياحليف الخدرى التايه فى نعيمك
مادام هاجرنى ارسل لى نسيمك
وانعش لى روحى بندى جسيمك
او طيب المسك الفايح من تبسيمك
يا امانى حياتى البيك النور اقليمك
يتمنى التبرى يلمع كاديمك
مشتاقه الشمس تظفر بى ليمك
تاخد من نورك تلثم لى قديمك
يافرع البانه المايل فى خميلك
من قامتو حبيبى متعلم ميلك
يالبدر التم مابتم تكميلك
لو ماتجعل لى محبوبى زميلك
سيوف الهندى من لحظه عينك
ليه بيها تصيبنى ايه بينى وبينك
غير كونى بريدك وحياة خدينك
كف عنى صدودك وتيهك وتذليلك
ليك حق تهجرنى ويكتر تعليلك
مادام فردى جيلك
تمتاز بالعفه المانعنى اجيلك
مع صدك وهجرك لا زلت اريدك
ومنام عينى بين حظوظ جيدك
تيه بى نعيمك مولاى يزيدك
ضيعت حياتى تسلم لى ايدك

الشريف

13-08-2008, 10:54 AM

انتا تأمر ونحنا ننفذ
عبد العزيز محمد داؤد
يا امانى حياتى البيك النور اقليمك
يتمنى التبرى يلمع كاديمك
مشتاقه الشمس تظفر بى ليمك
تاخد من نورك تلثم لى قديمك
يافرع البانه المايل فى خميلك
من قامتو حبيبى متعلم ميلك
----------------------------
سيوف الهندى من لحظه عينك
ليه بيها تصيبنى ايه بينى وبينك
غير كونى بريدك وحياة خدينك
كف عنى صدودك وتيهك وتذليلك
ليك حق تهجرنى ويكتر تعليلك
تمتاز بالعفه المانعنى اجيلك
مع صدك وهجرك لا زلت اريدك
ومنام عينى بين حظوظ جيدك
تيه بى نعيمك مولاى يزيدك
ضيعت حياتى تسلم لى ايدك

الله الله الله اشكرك حتى تستغيث يا عسل وتسلم لي ايدك:30:

تاو ياعسل

14-08-2008, 12:21 PM

الشريف مبسوط منى عشان انا بريد فنى
مشكور على المرور

تاو ياعسل

19-08-2008, 02:32 PM

سفرى السبب لى اذاى
بطرى اللي آمال و غاية
و ما بتحمي المقدور وقاية يسلم نهجي من الرماية
***************************************
سفري السبب لي اذايا فرقة و فقدان هنايا
بطرى حبيب املي و منايا و ابكي على هذي النهاية
و ببكي على تهديم بنايا ليت حبيبي علي ناح
*************************************
فيييك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح
*************************************
دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح
************************************
ماذا اؤمل .....ماذا اؤمل
ماذا اؤمل حيران ببكي و بامل
ولهان ببكي و بامل وحيد ببكي و بامل
آآآآآهــــ يا هوايا و آآآآآآآآآهــــــ يا منايا
وحيد سهران برايا انيس دمعي و بكايا
آآآآآآهــــ يا كناري و آآآآهــــــــ يا قماري
طيري لي تعالي وحيد ليلي و نهاري