كلام للحلوه

[معذب الامه]

:65: السلام عليكم يا جماعه :65:
دي قصيده اسمها كلام للحلوه

ورونا ارااكم
انا متعود لمن اكتب اي شي لازم اعرف اراء الناس فيهو



لما شُفتِك

ليلِى ضَّو وبَقَّ نور

ونرجس الجنه المفرهد

رفّ بى جِنحَات عطور

وغنَّى فارسِك

خَتَّ صورتِك فى الإطار

فى الليالى نَجِم يِلالى

ونسمه فى وهج النهار

وقال فى وَصفِك لما بنتى

أحلى مِنِّك . برضُه إنتِى

وما فى غيرِك زول معانا

حتى كان يا سمحه غِبتى



ومَرّه جَالَن الف خَاطِر

بى عيون عقلى المسَاهر

فجأه عينيكِ الحبيبه

!قالو سارح وين مِسَافِر؟

عِشتَ قولِن شيل وصَفقَه

وقُلت بس يا ريتنى القى

همسه فى حُلم الأميره

أو سَبَايب فى الضفيرة

أو عِقيد فى تِبرِ جيدها

أو قليب فى راحة ايدها

يا زمان أسمعنى واكتب:

البَرِيدها وريدها سِيدى

وريدِى سِيدَها

الزمان لوحتى بالغ

ما أظِن فى زول يعيدها.

يا حَلاتِك

مره همسه .. ومره نَسمَهومره هَلّت نَجْمه غابت

ومره صَحْوَة غمزه نامت

ومره ضحكه تَرَضِّى شوقنا

ومره كلمه تضِّوى فوقنا

ولمّا نسرح فيكِ قَادلَه

زى ملايكه علينا نازله

بَس نغنى:

يا حلاتكُم يا أهَلنَا

يا مصابيحنا ونجومنا

الضّاويَه فى واحات زَمَنَّا

[al3sola]

والله ماشاء الله عليك, تمام شديد..

[معذب الامه]

تسلمي يا عسوله على الرد

ويا شبااب الموضوع قدم ولا شاايف ردوووووووود على الموضوع

[الريس]

وربي دي احلى قصيدة قريتا في حياتي روعه يا معذب الامة
مبالغة عديل كدا ولقدام يا راغي ونسمع المذيد منك
ولك ودي

[سفن]

اقول ليك
اكتب ونحن نتعذب
اكتب حتي لو قلنا انها لا تصلح
اكتب فالقلم يعرف الحروف
اكتب بماذا تحس وماذا تقول
اكتب وعينك علي من تحب ومن تعشق
اكتب للاوطان وللازمان
اكتب حتي لو لم تحس بها


انها رائعة والي الاما ونحن معا

سفن

[معذب الامه]

ابهرتنا يا سفن عديل كدا
عقدتنا ههههههههههههههههه
تسلم على المشااركه