لو لقيت زول داخل الشات مستخدم اسمك قااااعد ومتحكر !!! ؟

[القيصـــر]

سلام للجميـــــــــــــــــــــــع ،،،

الشات وما ادراك ما الشات السرقات كتيره وبتحصل فى كل شئ حتى فى المنتديات وغرف الدردشه انا محيرانى حاجات بتحصل فى غرف الدردشه كتيره وممكن تحسب على الواحد.
فى مشاكل كتيره وهاجس لكل زول بدخل غرف الدردشه لكن انا هنا حا اذكر حاجه واحده بس اللى هى انك مثلا فى يوم من الايام بعد قشرت كويس وانقشطت فى احسن بنطلون وقميص عندك وظبطت البدله والكرفته وقمت عاوز تدخل الشات فجأة قمت لقيت زول دخل با اسمك ؟؟؟؟؟ الله بس الزول دا فى الدنيا دى مالقى ليهو الا السم دا ؟ طيب احترمت نفسك وعملت تعديل فى اسمك بسيط عشان تقدر تخش لكن لقيت واحد قاعد ومتحكر فى وسط الجماعه وقاعد يحنك ويسوى فى البدع ! با إسمك او غير اتجاهو من اليمين للشمال وقعد يسب ويشتم فى الناس من طرف.
الموضوع يمكن يكون عادى لكن اتخيل انو الزول اللى استخدم اسمك دا أساء لزول او عمل حركه ما كويسه اكيد الموضوع ما حلو فى حقك يلا اها السؤال ليكم شباب وشابات لو لقيت واحد داخل فى الشات باسمك المعروف لدى الناس حا تعمل شنو ؟؟
:shutup2:

[شفقانة]

طبعا يا محسكو الموقف ده لاقاني كتييييييييير بصورة ما تتخيلا في الشاتات!
وانا برضو شخصيا اتعرضت للموقف ده اكتر من مرة!
لكن لمن دايما اي شات بدخلو بكون فرضت نفسي بصورة محترمة وبكونو ناس الشات كلهم عارفين اخلاقي!
فحتى لو حصلت حركة زي دي حا يكونو عارفين انو في حاجة ما صاح!
وانا طوالي بقوم اوضح الحاصل عشان ما يكون في التباسات وكده!
وطبعا اسمي طواالي بعفيو للزول العاجبو ده وبشوف لي اي نكنيم غيرو!
ده طبعا كان زمااان!

أسي عشان اتحاشى كلام زي ده بقيت كل يوم اجي خاشة بي اسم جديد!
وفعلا الموضوع نفع معاي جدا!


موضوع جميل وطرحك ليو اجمل
لك كل الود والاحترام

[القيصـــر]

هع هع والله الموضوع موتر لما تلقى زول بيتضهب باسمك هو حل انك تغير اسمك كل مرة لكن دايما بكون فى اسم عندو مكانه خاصة وبتحب تدخل بيهو كتير وتعرفى لو اتعمل (باسوورد) مع (نك نيم) يكون كمان اجمل عشان الاسم يكون حكر على شخص واحد .
مشكووووووورة على مرورك وعلى افكارك الحلوة
شفقانه ...
والقاك نبتى من تراب السكه سديتى الافق ... يا صاحبه فى الزمن الصعب

[lolitta]

والله المشكله دي قابلتني كتيييييييير ...زمان الشات ما كان فيهو غير لوليتا وحده والناس كلها عارفه لكن هسي انا براي شفت 3 وفي منهم بغلطو في الناس وبالسبب ده بلقى نفسي مطروده قبل ما اقول السلام عليكم !!! :frown: وحتى كلمتا وحده من ناس لوليتا الي بقو كتاار .. قلت ليها ليه اخدتي اسمي قالت لي انو اسمها من زمان كده وهي الاصل .....ده كلام يا ناس حتى الصوره ما سابوها لي ههههههههه :biggthumpup:
لكن هسي خليت الاسم نهائي وبقيت بخش بي نقطه :rolleyes: حتى محسكو بقا يقول لي منقوطه ههههههههه هسي عرفت ليه بخش بي نقطه
انا بنصحك لو عايز ترتاح شوف ليك نقطه ولا رقم اعمل زي ههههه :71:

[القيصـــر]

[QUOTE] لكن هسي انا براي شفت 3 وفي منهم بغلطو في الناس وبالسبب ده بلقى نفسي مطروده قبل ما اقول السلام عليكم !!! :frown: وحتى كلمتا وحده من ناس لوليتا الي بقو كتاار .. قلت ليها ليه اخدتي اسمي قالت لي انو اسمها من زمان كده وهي الاصل .....ده كلام يا ناس حتى الصوره ما سابوها لي ههههههههه
لكن هسي خليت الاسم نهائي وبقيت بخش بي نقطه :rolleyes: حتى محسكو بقا يقول لي منقوطه ههههههههه هسي عرفت ليه بخش بي نقطه
انا بنصحك لو عايز ترتاح شوف ليك نقطه ولا رقم اعمل زي ههههه

لكن هل الاسم الجديد حل ؟ تعرفى ياليتا مفروض ادارات الشات تشوف المشكله دى بعين الاعتبار يعنى مفروض يتم تسجيل دخول الواحد باسم معين بحيث يستعصى على زول تانى الدخول بيهو .. لك ودى واحترامى
...
:signthankspin:

[الريس]

الاخ المحترم / محسكووو موضوعك يا سيدي في قمة الروعه
والحكاية بتااعت زول يخش بي اسمك دي انا الحمد الله ما حصلت لي
الا تكون غتات من واحد من فردي الموجودين معاي دوما
فالحمد الله ما حصل الشرف بتاع انو زول يخش بي اسمي دا
واخوكم ريس طبعا ولا شنو :dkb:
وتاني برجع اقول محسكوووووووو يسلمووووووو كتير على المواضيع الجذابة دي وما عدمناك :Good:
ابدا ابدا
ابدا ابدا
ولك خالص احترامي
اخوك الريس :signthankspin: :signthankspin:

[القيصـــر]

ياريسنا المركب دايما فيها ريس واحد واكيد انت مافى زول حايقدر يسوق معاك هههه خلينا بس نركب ووصلنا لبر الامان ...
انا حصلت على كتير والله ياريس بحاول ادخل بمحسكو وما اقدر ولما اغير لاسم تانى القى لى محسكو جديد قاعد بقوم اطلع ليهو فوق طوالى وبسالو عملت لى شنو فى موضوع البت بتاعت امبارح ؟؟؟؟ صاحبنا من يلقى الموضوع فيهو بت بيشمر عن عضلاتو وانا اضحك والله العظيم لكن اسه بقيت زى اختى ( ليتا) اشيل واغير فى الاسامى رغم انى بحب دايما ادخل باسم واحد وبس والله يعين
:signthankspin:

[الريس]

العفووووووو يا حسكووو انتا في العين والرأس
وانتا الزيك لازم يحسد عليك لانو مشاركاتك في المنتديات ابداع
وكلامك روعه واحلى من كدا فاعشان كدا تقوم تعمل ليك كمون عشان ما يسحروك :je_t_aime: :je_t_aime: ولا ثنو
والزيك يعيش يا راغي
ولك فائق احترامي

[القيصـــر]

العفووووووو يا حسكووو انتا في العين والرأس
وانتا الزيك لازم يحسد عليك لانو مشاركاتك في المنتديات ابداع
وكلامك روعه واحلى من كدا فاعشان كدا تقوم تعمل ليك كمون عشان ما يسحروك

يخليك يا ريس جد انا بينكم هنا حسيت با الاخوة الصادقه وانت واحد من الناس احترامى ليك يزيد كل يوم وبتكبر فى عينى والله مسألة الحسد دى لى انا الله اعلم هع هع اخوك اول حاجه حنكو (خليها مستورة بس ) هع هع مابعرفش فى اصول الحنك والنقه قاعد غرب الحنك ...
الحاجه التانيه ماقاعد البس جلابيه بيضا ومكويه ... هع هع
الحاجه التالته انت اللى عليك العين وانا خايف عليك من عين الفتاة وعين الصبى ولازم الواحد يجيب بخور وكدا ...
...
دوما انت رائع ...
دوما انت فى الخاطر ...
دوما ان الحاضر ..
كل الشكر والتقدير ...

[Man]

مرة تطردنا بالمراقبين ومرة تفنجط لينا بنمله ومره تدخل الاسلام ومرة تمررنا على البوليس يا زول انت مودينا وين هههههههه
موضوعك حلو ولذيذ والواحد ما يمل انو يشاركك الافراح :shutup2:

[القيصـــر]

مرة تطردنا بالمراقبين ومرة تفنجط لينا بنمله ومره تدخل الاسلام ومرة تمررنا على البوليس يا زول انت مودينا وين هههههههه
موضوعك حلو ولذيذ والواحد ما يمل انو يشاركك الافراح

يخليك ويحفظك يارب يكفينى انك بتمر على ...
ويكفينى انك حاضر ...
يسلموووووووووووو

[عمرو]

السرقات دي مفروض يعملوا ليها بوليس مراقبين عدييييييييل
الاي بي يكون محفوظ وأي واحد يجي داخل بي اسم واحد تاني يطردوهو طوالي
حصل معاي الموقف ده كتييييييييييييييييير زعلني في وقتها بس
لكن اليوم التاني كأنو ماحصلت حاجة وبرضو يجي داخل ويعمل عمايل هع هع هع
وعشان تعرفو متسبب وقاصدني عديييييييييل
قاعدين تنونس في غرفة جا داخل قال سلام عليكم قلنا وعليكم السلام
طوالي طاااااار فيني بدون سبب اسمع انته شنو مالك؟
ودووور الفلوووووود هع هع هع هع :dkb:
رايك شنو؟ استرو ولاافضحو؟ :smoke:
خليناهو مافي داعي...
اسي لو لقيت واحد داخل بي اسمي مابشتغل بيهو خليهو يعوووس عواستة :biggthumpup:



ياريت تشوف لينا حل لسرقات الاسامي في الشات

مشكور القيصر
تحياتي

[القيصـــر]

قاعدين تنونس في غرفة جا داخل قال سلام عليكم قلنا وعليكم السلام
طوالي طاااااار فيني بدون سبب اسمع انته شنو مالك؟

تحياتي


هلا والله عمرو

نورت البوست والله

صحبك دا يكون فى واحد وصاهـ عليك هههههههههههههههههههههه

ياريت تشوف لينا حل لسرقات الاسامي في الشات


الحل ساهل جدا لكن بيصعب الدردشه يعنى يتعمل لكل واحد اسم مستخدم وكلمة مرور وكدا مافى زول بقدر يدخل باسم زول تانى بس المشكله انها بتقفل الدردشع من الناس اللى بتزور الموقع لاول مره لكن لو رواد الدردشه كتيرين ممكن رغم انها فيها مخاطره منع الضيف الجديد من الدخول .


تحياتي يا رائع