مكنة بايظة!!! [الأرشيف] - منتديات الحنك

مشاهدة النسخة كاملة : مكنة بايظة!!!

شفقانة

27-08-2006, 10:37 PM

الموقف الحنكي!!
المكان: السودان - ولاية الجزيرة - مدني - السوق الشعبي!
الزمان: الساعة الرابعة عصرا!
اللقطة قطعت التزكرة لبص الساعة 5 وقعدت في الكرسي بانتظار الموعد..
المشاغلجي المعروف ب((ابو الحنك)) لمح واحدة لابسة بمبي وقاعدة في صالة الانتظار!
فتح خشمو ونطط عيونو!
قال في سرو: اللقطة دي ما لقت يوم تسافر فيو الا الليلة!!!؟؟!!
الجيب فااضي ومافي طريقة نركب البص معاها!!
قبل جاي.. قبل هناك!!
لمح فردتو((دوكة))!!
ابتسم ملئ خشمو تمهيدا للموضوع!!
ابو الحنك: اوووووووووووه دوكة!
دوكة: ويييين يا حنكو!
ابو الحنك: شوقنا زي بحرنا..
دوكة: يا زول وفر الحنك...عاين السوق الليلة عامر كيف بالله!
ابو الحنك: والله ما دام فتحت الموضوع براك..انا جاييك يا صاحبي وعندي طلب وعارفك ما بترد اخوك!
دوكة: من الاخر بالله يا باشا..
ابو الحنك: اي انا زاتي بختصر ليك الموضوع عشان اللقطة ما تفوتني... داير اتدين منك حق التزكرة... قلت شنو؟.؟
دوكة: يا زول خليك منطقي شوية...انا لو اديتك حق التزكرة معناتا اديك ماهيتي كلها!
ابو الحنك: بالله يا دوكة ما تمطها وهي قصيرة... انا لو ما عارفك مريش اليومين ديل ما كان جيتك... بتديني ولا اشوف لي ملف تاني؟
دوكة: بديك واجرنا على الله.... اها بترجعن لي متين؟؟
ابو الحنك: متى ما ربنا يفتحا علي... ارح سريع بالله ورانا حنك!
دوكة: الاستحو ماتو... هاك!

مسك ابو الحنك قروشو وجرى على شباك التزاكر وعينو ما شالا من البت!
ابو الحنك: تزكرة بالله يا عمنا!
مد القروش للراجل وشال تزكرتو وقعد في الكرسي البعد بعد كرسي البت!
يادوب بصلح في القعدة... دخل جلك كبييير... السنون الفوق مافيشات... والسنون التحت لاحقات أمات طه... والشلوفة لونا اسود من شراب السجار..
العمة قدر الطشت... والجلابية لونا تمباكي!!
اول ما دخل البت قامت من مقعدا واتجهت عليو...
سلمت عليو سلام حار...وقالت ليو: هاك يا عمو قطعت ليك التزكرة وانا بعد ده ماشة عشان اتأخرت على ناس البيت..
تصل بالسلامة ان شاء الله!
سلمت عليو وطلعت..
ده كلو وابو الحنك متابع الموقف...

تتوقعو ردة فعلو كانت شنو؟؟!!!

القيصـــر

28-08-2006, 01:49 AM

هع هع هع لكن لقيت مكنتك شديده !!! تعرفى يا شفقانه صاحبى دا زول داقس بس كان يسالك اول ماشافك المقعد دا فاضى ؟ او يقول ليك وين السواق والكمسارى عندى عفش ؟؟ هع هع (ماتقولى الحركه دى انا بعملها) هع هع عشان بدايه للحنك وكدا ويعرف انك قاعده للضهب ولا مسافره ولا موصله زول !! هع هع الحاجه التانيه انا خايفك تكونى قاصده الحنك مديرنا العام هع هع هع الحاجه التالته اوريك مفروض يعمل شنو يقوم يلم بعضو ويقطع التذكره حته حته وينزل يعمل رايح عشان الرحله تتاخر ويقعدو يفتشو ليهو وبعد الرحله تمشى يجى يعمل شكله كبيره فى مكتب التذاكر بحنك رجعو لى قروشى وما يتفكفك الا يجيبو ليهو عسكرى هع هع هع هياع :Good:
تقبل خالص ودى ،،،

اخوك : محسكو

شفقانة

28-08-2006, 02:47 AM

والله يا محسكو وقعت روحك وقعة شينة!
لانو الكلام ده كلام زول مجرب ما كلام نظريات ساااي!
غايتو ما بيتخاف عليك... لقيتك زول بتعرف تتصرف!

جيتك روعة
وطلتك اروع
خليك طوالي بي جاي

شرامي في السوق

28-08-2006, 10:23 AM

هههههههههههههههههههههههههههههههه

غايتوا منظر بايخ شديد وبعدين يا محسكو يقطع التزكره كيف (عشان لاقيها ملح )

اانا لو مكانوا كنته وقفته وبعته التزكره وشتته بيتنا لانوا اصلها بايظه

شفقانة

28-08-2006, 01:36 PM

لووووووووووول
حلك منطقي جدا يا شرامي
وشكلك برضو خشيت في المعمعة دي:65:
لكن بس لفتة ليك
التزكرة ما ملح يا انا
التزكرة دي بالدين
والمدينو القروش ده زول صعب شديد... أسألني منو انا:cool:

عالعموم نورت شديد يا عسل
دمت لينا:57:

شايقية أصلية

28-08-2006, 03:58 PM

اولا سلام لى احلى ناس
وتانيا تعليقا على القصة الكتبته الاخت شفقانة انا بشوف انو يستاهل كل الحصل ليهو لانو مهما كانت البت حلوة ده ما معناتو انو يضيع قرووش وكمان يدين عشانه ياجماعة القروش دى ما حاجة هينة وعلى قولة المثل الشايقى:
(المال هو الحياة فاقتصد فى صرفه)
وشكرا للاخت شفقانة واستمرى على كتابة قصصك الحلوة دى

شفقانة

28-08-2006, 04:05 PM

لووووووووووووووول
مبالغة طبعا يا شايقية
تستاهلي سرتفكيت جدارة من وزارة المالية والله
وصدقيني لو زادو الزيك في بلدنا
الخير بعم والناس حا تروق روقة شديدة

نورك طااغي يا سكر وما تحرمييينا من الطلة الحلوة دي:71:

mohammed

31-08-2006, 10:08 PM

:57: :57: ههههههههههههههه

لقيت مكنتك انسي مبالغ لكن

الريس

31-08-2006, 10:45 PM

شفقانة يا مشفقانا
اولا دا بكون اتحمق حماقا كدا مبالغة فيها وهوا زاتو حنكووووو بيش
لمن بهناك يعني حركة زي دي لو ما شاف البت قعدت في كرسي ما يمشي يقطع تذكرة من اصلا لكن نقول شنو دا شكلو ما عندو موضوع نهائي
مسكين قطع تذكره ساي وزي ما قال شرامي في السوق يمشي يبيع التذكرة
طوالي
مشكووووووووور كتير على القصة الحلوة دي
وما عدمناك من القصصة الروعه دي
ولكي كل الود
تحياتي ,,,,,,,,,,,,,,,,, اخوكي الريس

شفقانة

31-08-2006, 10:57 PM

al3sola

31-08-2006, 10:58 PM

انا في راي الولد جاهو هارت وطب ساكت ما عشان البت اللي راحت عليهو بس عشان القروش اللي بقت في رقبتو.. :je_t_aime:

:signthankspin:

شفقانة

31-08-2006, 11:17 PM

برضو عجبني ليو يا عسولة لانو زول مفلكب سااي!
يعني هو زول مفلس وحالتو بالبلا....
مفروض يراعي ظروفو دي ويفتش لمحلات الحنك الملح ساااي...
مافي داعي يتلتل روحو ويتشلهت كده!!:je_t_aime:

ومرورك عسل وكلك على بعضك عسل
ما نعدمك:signthankspin:

ود الجاك

02-09-2006, 05:48 AM

مكنتك لزيزه لاكين يا شفقانه
لاكين هو زاتو شفقان 000 لاكين رده فعلو على ما اظن وعلى انو اسمو حنكووو موش عرف نفسو دقس وعرف انها كانت مستميه الجلك الكبير ده يمسك الجلك ده يخنقوو ويخلى ما يقدر يتكلم ولا يربط ليهو خشمو ويكورك لى البت يقول ليها الحقى عمك
سرسع سريع البت هتجى مخلوعاااااا وتقول مالو مالو عمى ده يقول ليها تعب كده وما قادر يتكلم البت هتكون شاما الجلك ده جرجره معاهو واشتنتو و00 هتقوم تقول لى حنكو ياخى معليش عليك الله وصلو معاك يقول لها واللهمعليش وانا لو على وووو لاكين نازل الكاملين البت هتطره تسافر معاهو بعد داااااااك حنكو يتصرف معاها يعمل فيهاانوجاو تلفون وانوولازم يصل مدنى بعد داك يرجع الكاملين البص الوقت داك بكون اتحرك طبعا والبت خلاص دقست بعد ده حنكو هيحنكه هيحنكه 000 هع هع هع :dkb:

شفقانة

03-09-2006, 01:58 AM

هههههههههههههههههههههههههههههههههههههههههههههههه
وحااتك الضحك شرطني عديييل كده يا ود الجاك
قلت لي نازل الكاملين؟؟
هههههههههههههههههههههههههههههههههههههههههههههههههه هه
غايتو حنكك سنيييييييييييييييييييييييييييييييييييييييييييييييي يييييييييييييييين زي سكين الضحية!
ينصر دينك يا حناااك:57:

ومنوووووووووووووور لمن بهناك :65:

:signthankspin:

:71:

ابوالشوش

10-09-2006, 03:39 PM

انا غايتو رائ انو الزول يشتري جريدة ويكبس فيها شديد زي الخاشي امتحان بعد شوية وما عندو شغلة بالركب منو والنزل منو يعني باختصار يعمل راااااااااااايح

شفقانة

11-09-2006, 09:14 AM

loooooooool
اي ممكن يعمل كده برضو يا ابو الشوش
لكن ده ما حل جذري:yir:
يعني برضو حا تكون مرارتو مفقوعة من البت الطلعت وهم ومن القروش الاتلحست بدون فايدة:biggrin:

طلتك حلوة يا ابو الشوش
ما تحرمنا منها:58:

mohammed

11-09-2006, 12:58 PM

يا مراحب يا محمد
ودااايما ضااحك كده ياا رب^_*
وكلللنا بنعرف نحنك.....ولا شنو؟؟:65:
وتعال تااني :signthankspin:

ريسنا يا ريس
جيتك هنا شرف كبير لي والله
وزولنا ده فااقد حنان شديييد واخف من الريشة
اي هبوب بتلفحو
عالعموم منور بزيااادة وما ننحرم منك:58:

قلتى تعالو وجينا لكن فاقد حنان دى مبااالغه والله انا لافاقد حنان لا شي والله بالغت فيها :eek:

اصلو ما معقوله

والله موضوع مبالغه شكرا ليك
وربنا يخليك لينا يا رب

شفقانة

11-09-2006, 09:01 PM

قلتى تعالو وجينا لكن فاقد حنان دى مبااالغه والله انا لافاقد حنان لا شي والله بالغت فيها :eek:

اصلو ما معقوله

والله موضوع مبالغه شكرا ليك
وربنا يخليك لينا يا رب

لوووووووول
بس اقول ليك حاجة يا محمد
انت لو ما صحي صحي فاقد حنان
ولو ما خاتي موضوع فقدان الحنان ده في راسك
كان اكتشفت بالرااحة وبدون تعب انو انا لمن قلت الزول ده فاقد حنان ما كنت قاصداك انت!!
كنت قاصدة الزول الفي القصة زاااتو!!
ابو الحنك!!
لكن قصتك دي زكرتني بي القصة بتاعة عتوت شنو يا زول:yir:
ولو ما عارف القصة....كلمني وانا بحكيها ليك:71:

ونورت شديد والله
برضو تعال تاني:rolleyes:

Jan

03-05-2007, 12:36 PM

هههههههههههههههههههههههههههههههههه
ههههههههههههههههههههههههههههههههه

لا والله قصه عجيبــة

و ابو الحنك طلع حنكـــو بيش :d

دقسه زي دي ما بيدقسا زول حناااك يا شفقانه هع

شفقانة

03-05-2007, 01:04 PM

هههههههههههههههههههههههههههههههههه
ههههههههههههههههههههههههههههههههه

لا والله قصه عجيبــة

و ابو الحنك طلع حنكـــو بيش :d

دقسه زي دي ما بيدقسا زول حناااك يا شفقانه هع

:38: :38: :38:

ده كلام كبير شديد :38: :38:

شكلك بروف وكده:smoke: