القيصـــر
27-08-2006, 03:24 PM
اخوانى واخواتى :قضية الاهمال فى الاسره والبحث عن المظاهر !!!
زول مفتح حناك جنو نقه اى شغله بعرفها بطعن حقن بركب دربات بوصل كهرباء بخيط نعلات (نفلتى) سباك التجارة فيها زول نجيض مابتغش دلاليه ببيع العده للنسوان بصلح السراير والعناقريب بتكلم فى السياسه والفيزياء .
الكيمياء والكمبيوتر ديل بعرفهم وهو فى الروضه بلبس سلسل فى رقبتو رابط ليهو باندا فى شعرو التى شيرتات كلها نص كم بتكلم تلاته لغات طبعا الانجليزى والفرنسي واللاتينى ما محسوبين فى التلاته بعرف عشرة لهجات سودانيه بكتب شعر وقصة قصيره مكنة العربيه يفكها مسمار مسمار حافظ الشعر الجاهلى والعباسي والنبطى والحديث .
فى بيت البكا او زول يدخل يغسل الميت لما يرفع الفراش....
فى العرس من الدعوة لغاية ما يدخل العريس الفندق ويقفل عليهو الباب بقعد تلاته يوم قبل السمايه واربعه يوم بعد الاربعين ...
فى الدستور بختار (الخيت) للنسوان........
فى يوم كان قاعد وسط الشباب شاك القميص فى البنطلون لابس طاقيه فوق راسو ريحتو من اول الشارع لاخرو ضحكت الشباب عاليه شديد لما قال ليهم اخر نكته فجاءة وقف شافع حفيان كرعيهو مشققات راسو كبير عيونو حمر هدومو مقطعه اضنيهو مشتحات بصوت ضعيف وجه كلام لصاحبنا : بابا امى قالت ليك ادينى حق العشاء من امبارح ما اكلنا .
معليش يا بنات اللى ما بتعرف (خيت ) الدستور هو عبارة عن وصله غنائيه معينه احيانا يتم طلبها من قبل المدسترة و تنزل الواحده فيها بكل ثقلها . (على حسب فهمى الرايح للدستور) :65:
زول مفتح حناك جنو نقه اى شغله بعرفها بطعن حقن بركب دربات بوصل كهرباء بخيط نعلات (نفلتى) سباك التجارة فيها زول نجيض مابتغش دلاليه ببيع العده للنسوان بصلح السراير والعناقريب بتكلم فى السياسه والفيزياء .
الكيمياء والكمبيوتر ديل بعرفهم وهو فى الروضه بلبس سلسل فى رقبتو رابط ليهو باندا فى شعرو التى شيرتات كلها نص كم بتكلم تلاته لغات طبعا الانجليزى والفرنسي واللاتينى ما محسوبين فى التلاته بعرف عشرة لهجات سودانيه بكتب شعر وقصة قصيره مكنة العربيه يفكها مسمار مسمار حافظ الشعر الجاهلى والعباسي والنبطى والحديث .
فى بيت البكا او زول يدخل يغسل الميت لما يرفع الفراش....
فى العرس من الدعوة لغاية ما يدخل العريس الفندق ويقفل عليهو الباب بقعد تلاته يوم قبل السمايه واربعه يوم بعد الاربعين ...
فى الدستور بختار (الخيت) للنسوان........
فى يوم كان قاعد وسط الشباب شاك القميص فى البنطلون لابس طاقيه فوق راسو ريحتو من اول الشارع لاخرو ضحكت الشباب عاليه شديد لما قال ليهم اخر نكته فجاءة وقف شافع حفيان كرعيهو مشققات راسو كبير عيونو حمر هدومو مقطعه اضنيهو مشتحات بصوت ضعيف وجه كلام لصاحبنا : بابا امى قالت ليك ادينى حق العشاء من امبارح ما اكلنا .
معليش يا بنات اللى ما بتعرف (خيت ) الدستور هو عبارة عن وصله غنائيه معينه احيانا يتم طلبها من قبل المدسترة و تنزل الواحده فيها بكل ثقلها . (على حسب فهمى الرايح للدستور) :65: