الطلاب الاحرار بجامعه ام درمان الاهليه مواقفهم وارائهم

[ودابرووف]

في لقاء لي مع السيد/الطالب الحر/رئيس رابطه الهندسه
ورئيس تجمع الروابط الاكاديميه بالجامعه قال لي:
نحنا الليله في جامعه ام درمان الاهليه وكطلاب فلوتر(احرار) مع استقرار الكاليندر (العام الدراسي)
يقول السيد الرئيس:
وده خلانا نشيل موضوع حريق الجامعه وعودة الاتحاد والموضوع الخطيير بتاع الخلافات الداخليه في الجامعه
ونختها في فولدرات .
ثم واصل قائلا: ونحتفظ بحق فتح هذه الملفات في الوقت الذي نراه مناسبا لنا وللجامعه.
ثم ختم قائلا: نحنا شرفاء الحركه الطلابيه مازول غيرنا.
وهنا ياشباب الزول المتابع الاوضاع في الاهليه بلاقي الكلام واضح تماما

المحرر: ودابرووف

[ودابرووف]

الظاهر مافي ناس متابعه التيارات :94:
الداخليه والاوضاع
ودا حاجه ماكويسا:sleep:

[الدبلوماسي]

تشكر يا ود ابو روف علي البادرة الحسنة ولك جزيل الشكر ولي قدام يا معلم:71:

[ودابرووف]

مشكور يالدبلوماسي علي المشاركه
واتمني ليك التوفيق

ودابرووف

[اسوداية]

والله الموضوع جميل يا ودابروف
نتمنا لك التقدم انشا الله:biggthumpup:

[ودابرووف]

تسلم يااسودايه
وارجو منك لمن تنزل الجامعه تتابع
ولو ركن نقاش كل اسبوع
ولمن تحصل عكه ماتكون اول الجاريين
هع هع هع ض1


ودابرووف

[طحنيه]

موضوع جميل لكن في سؤال ياود ابروف
هع هع هع هع هع هع
انته معارض ولا شنوو :biggthumpup: :biggthumpup:

[ودابرووف]

والله ياطحنيــــــــــــــــــــــه ....
مشكور وانه مامعارضه
بس قلبي حار شويه

[اسوداية]

هع هع هع قلبك حار كلنا قلبنا حار هع هع هع والجرى نص الرجالة هههههههه

[المستقل]

ايها الرائع

لم اعتقد حقآ انى سأجد شخصآ يتابع تلك الاحداث الغريبة التى اللحقت الاذى بجامعة امدرمان الاهلية العتيقة

ولكن

شكرآ لك جدآ على تلك الكلمات الرائعة

صديقى

انا من متابعى احداث الجامعة واعتقد حقآ بأنى كنت موجودآ اثنااء الحريق

فكنآ مجموعة تجلس على رصيف إدارية نداعب السنتنا بما سيحدث لواقع الجامعة مع وجود اتحاد لها

ولكننا فوجئنآ حقآ بتلك الهالة الغير موضوعية من صبية المؤتمر الوطنى وهم يفعلون ما يفعلون

وحتى الان ياصديقى مازلنا نحمل الحقد اتجاه ذلك التيار الغير مرتب تمامآ ولا ينتمى الى الانسانية بصلة

صديقى ود اب رووووف

الى ان نلتقى فى جامعة حرة دائمآ وابدآ مثل تلك التى كتبت عنها

[ودابرووف]

مشكورين علي المروور ياشباب
ولك خالص التحيه وكل الود
صديقي المستقل
ولمؤتمر الطلاب المستقلين ...
وارجو منك التواصل لاجل جامعه حـــــــــره

[7akam]

بسم الله الرحمن الرحيم
الاخوة الكرام السلام عليكم ورحمة الله تعالى وبركاته:
سبحان الله في من يظن أنه قادر على أن يحل مشاكل السودان بالمظاهرات والاتحادات الطلابية الفاشلة بالأمس واليوم وغدا وكأن الطلاب اذا تركو الدراسة( وقعدو في الجامعات يطاعنو بالسيخ ويقولو احنا ناصريين ونحن شيوعيين ونحن كيزان كللللللللللللللللللللللللللللللللله كلام فاضي) فوالله من أراد بالسودان الخير هو من يواظب على دروسه ومحاضراته لا يجتمع في ما يسمى بالاركان السياسية ويناقش في أمور الدولة وكأنهم من مجلسهم هذا سيحلون مشاكل السودان الكثيرة واني أدعو اخواني الطلبة للعلم ثم العلم وبعد أن تتخرج أخي الطلالب يمكنك ان تسمي نفسك مواطنا سودانيا منتجا لا مستهلكا مخربا تحرق الجامعات وتقتل أبناء الناس فقط لأنهم يخالفونك الرأي فهذا والله بعيد كل البعد عن ديننا الحنيف ثم انك أخي لو قتلت من تسميه عدوك أليس لهذا العدو أسرة تعول عليه وتعتمد عليه وتبني امالها عليه فانك بقتلك لهذ الفرد تكون قد دمرت أسرة مسلمة باكملها فان كنت تريد اتن تصلح حال السودان فادرس وتعلم أمور دينك ودنياك ودعك من السياسة فانها والله لاتجدي نفعا .

[فلااااااش]

مشكووووووووووووووووور اخي علي هذا الموضوع المهم جدااااااااااوخاصه في الجامعه الاهليه
بس النااااس البتعمل مشاااكل في الجامعه كلهم نااااس خريجين او مربتين او ما عندهم شقله والله جد
والمشاااااااكل عمرها ما كانت حل لي ااي مشكله او رائي
بس انا داير اقوليك من غير زعلللللللللللل
انت تاني الموضوع ده ما تفتحووووووووو لانو لا حياة لمن تناااااااااااااااااااااادي
انت بتنفخ في كيس فااااااااااااااااضي والله بي الجد:38:
لانوووووووووو جامعة الاهليه فيها مشاكل اكبر من كده
مشكووووووووووووووور اخي مره اخري


ارجووو تقبل مروري