مشاكل الاسر

[شبيه الريح]

كل الاسر الغنيه والفقيره مشاكلها متقاربه لانها تقريبا بتتوجه نحو هدف واحد وهو تربية الاطفال في الاسره الفقيره بتكون المشكله اقل لانو المره بتكون بتطبخ وبتهتم بي الشفع اما الراجل بجي شايل جريدتو لانو في اعتبارو المهمه العليو اداها على اكمل وش وهي احضار القروش وتلبية احتياجات البيت
اما الاسر الغنيه فالراجل صايع والمره تحوم اليوم كله في السوق والاولاد ضايعين

[T.A.Z]

شبيه الريح



والله عجبتني يا ماان بطرحك للموضوع الرائع ده


ويا ماان دي الحقيقة والصورة الواضحة للمجتمع السوداني


تسلم يا شبيه على الموضوع

[شبيه الريح]

الله يعطيك العافيه ويخليك دا كلو عشاننظهر حبنا لي المنتدي ونقدم ليهو الافضل وانا على اهبة الاستعداد

[a7la malak]

والله يا شبيه الريح موضوعك جدا مفيد ورائع وحساس

بس يا شبيه انت ليه عممت يعني من الافضل لو كنت قلت بدل كل بعض او اغلب بس كدا انت ظلمت الباقيين لكن فعلا والله في عائلات بتتصرف التصرفات الغير واعية والغير مسؤولة بس الله يهديهم يارب ويهدينا جميعا

وتسلم مرة تانية على المشاركة واطلاعنا على مشكلة نعاني منها كثير العناء

اختك......احلى ملاك

[شبيه الريح]

والله ياملاك ما ادري اقول ليك شنو لكن صراحتك اعجبتني في تعديل الغلط لكن انا عايز انبهك لي نقطه اللي هي انوا الغلط لمن يكون اكتر من الصاح بياخدو بي الغلط لانو مغطي اكثر:15:

[al3sola]

والله انا راي مع راي الاخت احلى ملاك يعني انو الحاجه دي ما عامه لكين زي ما قلتا الشر بيعوم والخير بخص..

[العسول]

طبعا يا شبيه الريح
أحييك على موضوعك الرائع والشيق
بس الزمن دا يا أخوانا
مشكلتو الأطفال يعني زي ما قالت أحلى ملاك
ما كل الآسر
بعض الأسر القائمة بتربية الأولاد تربية صحيحة الأولاد بيضوعوا برضو
ليه؟ لأنو بيحتكوا بالجيران وكدا
والمشكلة دي منتشرة في جميع انحاء العالم
يعني المشكلة قائمة سواءا الأسرة فقيرة أو غنية
وشكرا ليك يا شبيه على طرحك الموضوع

[المستبدة]

صراحه الموضوع :71:

انا رايي برضو مع راي احلى ملاك
في انه الاغلبيه كدا لكن اصلا ما تعرف ليه هم بعملو كدا
يعني ليه ما بهتمو باهم الافراد في الاسره وهم الاطفال
الظاهره دي انتشرت شديد وبعد فتره حيبقى مافي استثناء
حيبقو كلهم نفس الشي يعني عدم اهتمام ولا مبالاه باي شي
وكل واحد حيبقى مسؤول عن نفسو

على العموم الله يهديهم ويصلحهم
ويقدرو قيمة الاسرة والعائله

اختك
مستبدة